Markið hjá Ástu í upphafi fyrri hálfleiks var það sem skildi liðin að hér í kvöld. Breiðablik stóð sig ekki vel á síðasta þriðjungi vallarins og náði ekki að skapa sér nægilega góð færi. Þær stóðu sig hins vegar vel varnarlega og Fylkir náði ekki ógna neitt mikið nema síðustu mínútur leiksins.

Lokaflautið. Leikurinn var frekar leiðinlegur og sóknarleikur beggja liða ekki upp á marga fiska. Það var hins vegar komið smá líf í þetta undir lok leiks en heilt yfir frekar leiðinlegt.

Breiðablik heldur sér á toppnum en þær þurfa að eiga betri frammistöðu í næsta leik gegn Val. Fylkir er ennþá í níunda sæti deildarinnar.

Sóknarleikur beggja liða var ekki góður í dag og fær þennan stimpil.

Ágæt frammistaða hjá dómarateyminu. Ósammála nokkrum litlum dómum en það var ekkert stórvægilegt.