SKÝRSLAN: Þegar toppurinn mætti botninum
Hvað réði úrslitum?
Fjölnismenn voru miklu betri í dag. Þeir fengu dauðafæri eftir dauðafæri og áttu að skora mikið fleiri mörk í dag. Þeir fengu þetta mark á sig á 88. mínútu sem var högg í magann þeir svöruðu strax með 1-1 marki. Klárlega vonbrigði fyrir bæði lið en í stuttu svar var það færanýting Fjölnis sem fór með þetta fyrir þá. Hversu mikið XG Fjölnismenn fengu, það langar mig að sjá!
Bestu leikmenn
1. Borja López
Lang mikilvægasti leikmaður Dalvíkur og hann sýndi það og sannaði í dag. Hann var mjög góður á miðjunni og skoraði auðvitað eina mark Dalvíkinga í dag.
2. Daníel Ingvar Ingvarsson
Daníel Ingvar var mjög flottur í Fjölnisliðinu í dag og steig varla feilspor.
Atvikið
Klárlega rauða spjaldið á Hassan Jalloh. Dalvíkingar allt annað en sáttir. AD2 vildi meina að hann hafi kýlt Baldvin Bernsden og fékk fyrir það rautt.
Hvað þýða úrslitin?
Fjölnismenn styrkja bara stöðu sína á toppnum en Dalvíkingar minnka bilið í Leikni í 3 stig. Ótrúleg deild.
Vondur dagur
Máni Austmann sem er markakóngu Lengjudeildarinnar til þessa klúðraði nokkrum dauðafærum í dag. Hann fékk alvöru færi í stöðunni 0-0 sem fóru forgörðum en hann hefði átt að skora allavegana eitt eða tvö í dag.
Dómarinn - 7
Ég á eftir að sjá atvikið með Hassan Jalloh aftur en fyrir utan það fannst mér þetta flottur leikur hjá teyminu. Sammála Úlla samt með uppbótartímann, hann hefði mátt vera aðeins lengri.