SKÝRSLAN: FH landaði iðnaðarsigri á Ísafirði
Hvað réði úrslitum?
Flottur seinni hálfleikur hjá FH. Voru andlausir í fyrri hálfleik og sennilega fegnir að Vestramenn sköpuðu sér ekki meira. Komu beittir inn í seinni hálfleik, pressuðu heimamenn niður og komu loks inn marki eftir horn. Frábær varsla Sindra í markinu bjargaði því að Vestramenn jöfnuðu og eftir það fjaraði leikurinn út.
Bestu leikmenn
1. Ólafur Guðmundsson
Frábær í vörninni í dag ásamt Ísaki Óla. Skoraði markið mikilvæga og átti stóran þátt í að halda lakinu hreinu
2. Fatai Gbadamosi
Algjörlega frábær í fyrri hálfeik. Át hvern boltann á eftir öðrum sem skapaði hættulegar sóknir. Sást þó minna til hans í seinni hálfleik
Atvikið
Varsla Sindra. Gjörsamlega sturluð. Boltinn er að sigla í netið en hann svífur til að nær að blaka í boltann. Allt annar leikur hefði hann hleypt þeim bolta inn.
Hvað þýða úrslitin?
Vestramenn í alvöru brekku. Komu flottir inn í leikinn í dag en uppskera ekkert. FH eru komnir í alvöru evrópubaráttu, sitja í fjórða sætinu 5 stigum frá toppnum. Gríðarlega mikilvægur sigur í dag
Vondur dagur
Það eru svosem fáir sem áttu virkilega slæman dag. Arnór Borg Guðjohnsen var tekinn af velli og hefur átt betri daga. Tapaði boltanum nokkrum sinnum í fyrri hálfleik og gerði lítið úr góðum fyrirgjafarstöðum. Andri fékk úr litlu að moða frammi hjá heimamönnum. Versta daginn átti þó Grétar Snær Gunnarsson. Fór meiddur af velli á 13. mínútu í sjúkrabíl. Heyrst hefur að hann sé rifbeinsbrotinn og með samfallið lunga. Bestu kveðjur á hann.
Dómarinn - 8
Flottur leikur hjá Erlendi, ekkert út á hann að setja. Lét ekki leikmenn ginna sig í neinar gildrur