SKÝRSLAN: Arnar sá rautt þegar Vestri jafnaði
Hvað réði úrslitum?
Víkingar skora snemma og það var ekki mikið í gangi endilega í leiknum eða allt fram að lokamínútum þegar Vestri jafnar leikinn.
Bestu leikmenn
1. Gísli Gottskálk Þórðarson
Var í nokkurs konar John Stones hlutverki í dag. Var í hefsent en kom upp á miðju í uppspili. Var öflugur í því sem hann gerði í dag. Hann og Viktor Örlygur svoru öflugt teymi og hefði svo sem mátt velja hvor tveggja þeirra hérna.
2. Silas Songani
Var öflugur í liði Vestra í dag. Skapaði nokkrum sinnum ursla fyrir gestina með flottum boltum fyrir markið og hefði átt að ná stoðsendingu í fyrri hálfleik en liðsfélagar hans fóru illa af ráðum sínum.
Atvikið
Jöfnunarmark Vestra. Virtist klárlega brotið á Sveini Gísla í aðdraganda jöfnunarmarksins og við það trompast Arnar Gunnlaugsson og fær að líta rauða spjaldið.
Hvað þýða úrslitin?
Víkingar eru áfram á toppi deildarinnar með stigi meira eftir daginn í dag. Vestri hinsvegar lyftir sér upp fyrir HK á markatölu úr fallsæti.
Vondur dagur
Erfitt að henda einhverjum leikmanni undir rútuna hérna. Skila því auðu.
Dómarinn - 4
Það eru þó nokkur atriði í dag sem voru heldur vafasöm. Víkingar áttu tilkall til vítaspyrnu og svo er spurning hvaða litur á spjaldinu hefði verið ef dæmt hefði verið á það þegar Eiður Aron virðist brjóta á Valdimar Þór í þann mund sem Víkingar ætla að þræða hann í gegn.