Byrjunarliðin klár Víkingar gera fimm breytingar á sínu líði frá leiknum gegn Flora Tallinn en inn koma Pálmi Rafn Arinbjörnsson, Sveinn Gísli Þorkelsson, Erlingur Agnarsson, Helgi Guðjónsson og Tarik Ibrahimagic.

Vestri gerir þá engar breytingar á sínu liði frá síðasta leik.

Spámaður umferðarinnar Hinn 17 ára gamli Róbert Elís Hlynsson var hetja ÍR í 1-0 sigri gegn Þrótti á dögunum. Hann hefur verið virkilega góður í sumar í liði ÍR sem hefur komið á óvart í Lengjudeildinni.

Róbert fékk það verkefni að spá í leiki 18. umferðar í Bestu deild karla en umferðin hefst í dag.

Víkingur R. 3 - 0 Vestri
Víkingur fara létt með Vestramenn. Þeir taka þetta 3-0. Sveinn Gísli (Gilli) skorar alltaf í þessum leik.

Víkingur R. Það verður áhugavert að sjá hvernig Víkingar mæta til leiks hér í dag. Þeir eru í miðju Evrópueinvígi gegn Flora Tallinn og verðugt verkefni fyrir Arnar Gunnlaugsson að stilla menn milli verkefna.


Víkingar hafa hinsvegar verið að klára sitt hérna heima þrátt fyrir að hafa Evrópu hangandi yfir þeim. Þeir unnu HK sannfærandi milli verkefna í síðasta Evrópueinvígis og sömuleiðis sóttu gríðarlega sterkan útisigur gegn FH í síðustu umferð þegar þeir komu tilbaka og unnu með þremur mörkum gegn tveim.

Markaskorun hefur ekki verið mikið vandamál fyrir Víkinga í sumar en þeir hafa skorað flest mörk í deildinni í sumar eða 42 talsins. Þeir hafa einnig litið vel út varnarlega og fengið á sig fæst mörkin eða 18 talsins sem gera plús 24.

Mörk Víkinga í sumar hafa skorað:

Helgi Guðjónsson - 8 mörk
Danijel Dejan Djuric - 6 mörk
Valdimar Þór Ingimundarson - 5 mörk
Nikolaj Hansen - 5 mörk
Ari Sigurpálsson - 5 mörk
Aron Elís Þrándarson - 4 mörk
Erlingur Agnarsson - 3 mörk
*Aðrir minna

Vestri Vestramenn vonast til þess að sækja langþráðan grænan punkt hér í dag. Komið svolítið síðan þeir smökkuðu síðast á sigri og vonast til þess að Víkingar verði með hugann við Evrópu í dag og ætla sér að nýta það.

Vestri eru í næst neðsta sæti deildarinnar með 13 stig eftir 17 leiki. Vestri gerðu markalaust jafntefli í síðustu umferð gegn ÍA og vonast til þess að ná tveim stigum meira úr þessum leik en þeir fengu á móti Skaganum.

Vestri hafa átt í smá brasi fyrir framan markið en þeir ásamt HK hafa skorað fæst mörk í sumar eða 18 talsins. Vestri hefur þá fengið á sig 38 mörk á móti sem gerir þetta mínus 20 í markatölu.

Mörk Vestra hafa raðast niður á:

Benedikt Warén - 4 mörk
Jeppe Gertsen - 3 mörk
Andri Rúnar Bjarnason - 3 mörk
Silas Songani - 2 mörk
*Aðrir minna

Þriðja liðið Vilhjálmur Alvar Þórarinsson heldur utan um flautuna hér í dag og honum til aðstoðar verða Gylfi Már Sigurðsson og Ragnar Þór Bender.
Arnar Ingi Ingvarsson er fjórði dómarinn okkar í dag og sérlegur tæknimaður á skiltinu góða.
Þórður Ingi Guðjónsson hefur svo eftirlit með stöfum teymisins í dag.

Heil og sæl! Verið hjartanlega velkomin í þessa þráðbeinu textalýsingu frá heimavelli hamingjunnar í Víkinni þar sem heimamenn í Víking taka á móti Vestra í 18.umferð Bestu deildar karla.