Styttist Þá ganga liðin til vallar og gera sig klár í slaginn.

Búið að breyta skýrslunni - Emil Atla byrjar Þetta er smá spes en það er búið að breyta leikskýrslunni. Stjörnumenn gera fjórar breytingar og Emil Atla er meðal annars í byrjunarliðinu en ekki á bekknum eins og upprunalega skýrslan sagði til um. Þá er Heiðar Ægis til dæmis inn á og Adolf Daði og Þórarinn Ingi eru á bekknum.

Það er búið að breyta byrjunarliðsfréttinni en leikskýrslan sem er inni á KSÍ núna er rétt.

Byrjunarliðstíðindi - Emil Atla á bekknum! Jökull I Elísabetarson, þjálfari Stjörnunnar, heldur áfram að hrófla í Stjörnuliðinu en hann gerir 6 breytingar á liðinu sínu frá tapinu gegn Fram á dögunum. Þeir Örvar Eggertsson, Jóhann Árni Gunnarsson, Þórarinn Ingi Valdimarsson, Kjartan Már Kjartansson, Helgi Fróði Ingason og Baldur Logi Guðlaugsson koma inn í liðið fyrir þá Heiðar Ægisson, Emil Atlason, Sigurð Gunnar Jónsson, Örvar Loga Örvarsson, Daníel Finns Matthíasson og Róbert Frosta Þorkelsson.

Emil Atlason, einn besti framherji deildarinnar, er á bekknum hjá Stjörnunni.

Halldór Árnason, þjálfari Breiðabliks, gerir eina breytingu á Blikaliðinu frá 3-0 sigrinum gegn Fylki í seinustu viku. Davíð Ingvarsson kemr inn í byrjunarliðið en Kristófer Ingi Kristinsson kemur úr liðinu.

Góð spá frá ennþá betri manni Hinn 17 ára gamli Róbert Elís Hlynsson var hetja ÍR í 1-0 sigri gegn Þrótti á dögunum. Hann hefur verið virkilega góður í sumar í liði ÍR sem hefur komið á óvart í Lengjudeildinni.

Róbert fékk það verkefni að spá í leiki 18. umferðar í Bestu deild karla en umferðin hefst á eftir.

Róbert er afskaplega góður í fótbolta en hann er ennþá betri manneskja.
Stjarnan 1 - 1 Breiðablik (19:15 í kvöld)
Alvöru skák sem verður spiluð þarna. Stjarnan skorar í fyrri en Blix pota inn jöfnunarmarki seint. Bæði lið ósátt með jafntefli.

Þriðja liðið Akureyringurinn Sigurður Hjörtur Þrastarson mun stýra flautukonsertinu í dag en honum til halds og trausts verða þeir Andri Vigfússon og Patrik Freyr Guðmundsson. Jóhann Ingi Jónsson er skiltadómari í dag en Ingi Jónsson er eftirlitsmaður KSÍ.

Vonbrigði eftir vonbrigði Stjarnarn datt sömuleiðis úr bikarnum og tapaði gegn Fram í Úlfarsárdalnum 2-1 í seinustu viku. Fyrir það fengu þeir skell gegn Paide í Eistlandi í umspili Sambandsdeildarinnar. Hræðileg úrslit og eftir það fylgdi slakur leikur gegn Fram.

Jökull, þjálfari Stjörnunnar, hefur verið gagnrýndur fyrir að hrófla of mikið í liðinu sínu milli leikja en það verður fróðlegt að sjá hvernig hann stillir upp Stjörnuliðinu í kvöld.

Blikarnir einbeita sér að deildinni Eftir vonbrigði hjá Blikunum að hafa dottið úr Evrópu á dögunum geta þeir bara einbeitt sér að Bestu deildinni þar sem þeir hafa einnig dottið úr bikarnum. Breiðablik situr í 2. sæti deildarinnar, 6 stigum á eftir Víkingum (þegar þetta er skrifað) og eiga leik til góða. Breiðablik vann seinustu tvo deildarleiki gegn Fylki og KR.

Sú lang Besta! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Stjörnunnar og Breiðabliks í Bestu deild karla. Við heilsum úr Garðarbænum þar sem leikurinn mun fara fram.