SKÝRSLAN: Úlfa Dís nældi í stig fyrir Stjörnuna
Hvað réði úrslitum?
Fjörugur leikur í Garðabænum í kvöld! Valskonur byrjuðu leikinn mun betur og tóku forskotið eftir þrettán mínútna leik. Stjarnan vann sig svo hægt og örugglega inn í leikinn og var mikið um færi á báða bóga. Valskonur leiddu er liðin gengu til búningsherbergja. Valur byrjaði seinni hálfleikinn sem betri aðilinn en eins og í fyrri unnu heimakonur sig inn í leikinn. Stjarnan var betri aðilinn í seinni og skapaði helling af færum! Það var ljóst að stemmingin í heimakonum var góð. Mikil hvatning meðal leikmanna og heilt yfir orkumiklar. Sama má segja um Valskonur, þó þær lentu stundum í dálitlum vandræðum með að skapa sér færi og brjóta niður Stjörnuna, sérlega í seinni. Heilt yfir sanngjörn úrslit! Mjög gott stig fyrir Stjörnuna í barátunni um að ná sæti í efri hluta töflunnar!
Bestu leikmenn
1. Úlfa Dís Kreye Úlfarsdóttir
Væri hægt að gefa Kate Cousins þetta en þetta jöfnunarmark Úlfu gerir gæfumunin! Úlfa heilt yfir góð í dag, stóð sig vel úti á kantinum og stafaði alltaf ógn af henni er hún var með boltann.
2. Kate Cousins
Kate er bara rosalega góð í fótbolta. Var geggjuð á miðjunni í dag. Alltaf mjög örrugg er hún var með boltann.
Atvikið
Jöfnunarmark Úlfu Dísar. Mjög gott mark á lokamínútum leiksins!
Hvað þýða úrslitin?
Stjarnan er eftir leikinn í 7. sæti deildarinnar en Þróttur og FH unnu bæði sína leiki í kvöld. Stjarnan og Þróttur eru jöfn að stigum en Þróttur með betri markatölu. Valur er enn í 1. sæti deildarinnar með 43 stig. Blikar geta minnkað stigamunin niður í eitt stig með sigri gegn Þór/KA á morgun.
Vondur dagur
Mjög erfitt að segja að einhver hafi átt vondan dag. Heilt yfir mjög vel spilaður leikur!
Dómarinn - 9
Mjög gott dagsverk hjá Arnari og hanns teymi. Lét leikinn fljóta mjög vel og flautaði sjaldan. Hélt einnig góðri línu.