Liðin að ganga út á völlinn!

Styttist í leikinn!

Á fullu gasi í upphitun Hafliði Breiðfjörð að sjálfsögðu mættur með myndavélina.

Þeir eru ellefu útileikmennirnir sem eru að hita upp með byrjunarliði Víkinga. Spurning hvort einhver sé tæpur.

Það verða held ég ansi fá laus sæti í stúkunni hér á eftir. Vona allavega að það verði geggjuð stemning!

Allt til fyrirmyndar Víkingar eru mættir út á völl í upphitun.

Eins og vanalega er vel tekið á móti manni á Víkingsvelli með alls konar kræsingum og góðgæti. Allt til fyrirmyndar hérna.

Viktor Örlygur með fyrirliðabandið

Byrjunarlið Víkinga er svona 1. Ingvar Jónsson (m)
4. Oliver Ekroth
5. Jón Guðni Fjóluson
8. Viktor Örlygur Andrason (f)
11. Gísli Gottskálk Þórðarson
17. Ari Sigurpálsson
19. Danijel Dejan Djuric
21. Aron Elís Þrándarson
22. Karl Friðleifur Gunnarsson
24. Davíð Örn Atlason
25. Valdimar Þór Ingimundarson

Tvær breytingar eru á Víkingsliðinu frá sigurleiknum gegn FH á dögunum. Gunnar Vatnhamar er meiddur og er ekki í hóp. Það var ákveðin óvissa með hann í gær, en hann er ekki með. Þá fer Helgi Guðjónsson á bekkinn.

Inn í þeirra stað koma Jón Guðni Fjóluson og Valdimar Þór Ingimundarson.

Fljótt að breytast í fótboltanum Fyrir stuttu síðan var grátt ský yfir Víkingi ef svo má segja. Það gekk ekki vel og liðið var ekki langt frá því að falla úr Evrópu. Núna er útlitið talsvert betra og Víkingsliðið er í mjög raunhæfum möguleika á að fara í riðlakeppni, á toppnum í deildinni og á leið í bikarúrslitaleik enn eitt árið.

„Ég get alveg sagt þér nákvæmlega hvenær þetta gerðist: Á 30. mínútu á móti HK. Það var dauði og djöfull fram að því og allir að vorkenna sjálfum sér. Við héldum áfram að halda í strúkturinn og reyna að berjast fyrir augnablikinu til að snúa genginu við. Þá skorum við þetta mark á móti HK... menn héldu í það sem hefur gert okkur að góðu liði. Við kaupum okkur heppni með dugnaði og síðan þá hefur lífið verið yndislegt. Þetta er það sem gerir íþróttina svo skemmtilega. Það er stutt í bölmóðinn og vælið, en líka stutt í velgengnina. Þú verður að hafa trú á henni," sagði Arnar Gunnlaugsson, þjálfari Víkinga, við Fótbolta.net í gær.

Síðustu leikir Víkinga:
KA 1 - 0 Víkingur
Víkingur 0 - 1 Egnatia
Víkingur 5 - 1 HK
Víkingur 0 - 2 Egnatia
FH 2 - 3 Víkingur

Eru að mæta köldu liði úr lakari deild
Flora Tallinn er vissulega sigursælasta félagið í Eistlandi og þeir hafa unnið deildina í fjögur af síðustu fimm skiptum. Tímabilið sem er núna í gangi hefur þó verið erfitt.

Liðinu hefur gengið illa heima fyrir og er 16 stigum frá toppliði Levadia. Víkingar mættu einmitt Levadia í forkeppni Meistaradeildarinnar sumarið 2022 og unnu 6-1 sigur. Vonandi - fyrir íslenskan fótbolta - verður eitthvað svipað upp á teningnum í kvöld.

Flora tapaði þá stórt gegn Celje frá Slóveníu í forkeppni Meistaradeildarinnar áður en liðið lagði Virtus frá San Marínó í framlengingu. Það þurfti framlengingu til þess.

Möguleikar Víkinga ættu að vera býsna góðir þar sem þeir eru að mæta köldu liði úr mun lakari deild. Það er mikilvægt fyrir íslensku meistarana að taka góð úrslit í kvöld og taka það með sér í útileikinn í næstu viku.

Viðtöl fyrir leik Undirritaður fór og ræddi við Arnar Gunnlaugsson, þjálfara Víkings og tvo leikmenn liðsins í gær; Viktor Örlyg Andrason og Tarik Ibrahimagic. Sá síðarnefndi er nýkominn til Víkings frá Vestra og gæti spilað sinn fyrsta leik fyrir félagið í dag.

Hvernig enduðu Víkingar hérna?
Víkingar hófu keppni í Evrópu þetta tímabilið með því að mæta Shamrock Rovers frá Írlandi í 1. umferð forkeppni Meistaradeildarinnar. Það gekk ekki alveg nógu vel en dramatíkin var mikil í lokin.

Víkingur R. 0 - 0 Shamrock Rovers
Shamrock Rovers 2 - 1 Víkingur R.

Nikolaj Hansen, fyrirliði Víkinga, fékk tækifæri til að jafna metin í blálokin en setti boltann í stöngina úr vítaspyrnu. Því fóru Víkingar í 2. umferð forkeppni Sambandsdeildarinnar. Leiðin að riðlakeppninni varð flóknari. Víkingar drógust gegn Egnatia frá Albaníu og áhyggjurnar urðu miklar eftir fyrri leikinn.

Víkingur R. 0 - 1 Egnatia
Egnatia 0 - 2 Víkingur R.

En Íslands- og bikarmeistararnir komu til baka í Albaníu og skutu sér áfram. Þeir drógust því næst á móti Flora Tallinn frá Eistlandi og riðlakeppnin er draumur sem er farinn að sjást vel í. Það eru svo sannarlega góðir möguleikar til staðar.

Gleðilegt EVRÓPUKVÖLD! Við heilsum frá Víkingsvelli þar sem Víkingar mæta Flora Tallinn frá Eistlandi í forkeppni Sambandsdeildarinnar. Þetta er fyrri leikur liðanna.