Sölvi Haraldsson @Breiiiiiiiiiii

Textalýsing Skýrslan

Hvað réði úrslitum? Blikar voru gífulega passífir í fyrri hálfleiknum og Stjörnumenn betri þá en í seinni hálfleik voru Blikar betri. Haukur Brink gerði líka ekkert eðlilega vel í jöfnunarmarkinu. Hins vegar má alveg ræða rauða spjaldið sem Viktor Örn átti að fá nokkrum sekúndum áður en Blikar jafna leikinn. Þetta gjörsamlega breytti leiknum. Bestu leikmenn 1. Davíð Ingvarsson Mér fannst hann gífurlega góður á vinstri kantinum. Lagði upp tvö en þetta var aldrei víti sem var dæmt á hann í fyrri hálfleiknum. Mikil hætta sem varð til í kringum hann. Mjög gaman að sjá hann aftur í íslenska boltanum. 2. Höskuldur Gunnlaugsson Erfitt að velja leikmann hingað en þetta er kannski mjög basic val. Fyrirliðinn stendur oftast fyrir sínu og gerði það í dag líka. Atvikið Úr ógeðslega mörgu að velja. En ég ætla að velja tvö atvik sem áttu sér bæði stað þegar leikurinn var ekki í gangi. Fyrsta var fyrir leik þegar ég sá að leikskýrslan hjá Stjörnunni var breytt fyrir leik (Nánar í vondur dagur). Hitt atvikið var þegar leikurinn var búinn og stuðningsmenn beggja liða bauluðu á Sigurð Hjört og aðstoðardómarana þegar þeir gengu til búningsklefa að leik loknum. Leikmennirnir og þjálfararnir hættu að klappa fyrir áhorfendunum og það horfðu bókstaflega allir á teymið ganga til búningsklefa. Þetta baul var svakalegt og menn létu þá gjörsamlega heyra það.

Hvað þýða úrslitin? Blikar eru áfram 6 stigum á eftir Víkingum sem gerði einnig jafntefli í dag. Stjörnumenn eru í 7. sætim einu stigi á eftir Skaganum sem á þó leik til góða á Stjörnuna. Vondur dagur Auðvelt að velja Sigurð Hjört sem á alveg skilið að vera valinn. Ég veit ekki nákvæmlega hvern ég á að benda á en það er gífurlega þreytt þegar lið breyta upprunalegu leikskýrslunni sinni rétt fyrir leik. Emil Atla var á bekknum ásamt Heiðari Ægis til að byrja með og fleiri breytingar sem voru á upprunalegu leikskýrslunni. Það er alveg fínt að vita af því fyrir leik að Emil Atla er á bekknum en svo þegar það er stutt í leik sérð þú að hann er í byrjunarliðinu. Það gæti breytt upplegginu en þetta er gjörsamlega galið finnst mér. Þetta er ekki í fyrsta sinn á tímabilinu sem þetta gerist hjá Stjörnunni. Jökull segir að liðsstjóri Stjörnunnar sé í útlöndum og þess vegna gerist þetta, það er bara ömurleg afsökun finnst mér. Það hlýtur einvher annar að geta gert þetta RÉTT fyrir þá. Dómarinn - 4 Alveg skelfilegar ákvarðanir trekk í trekk. Þá aðallega stórar ákvarðanir sem höfðu bara gífurlega stór áhrif á leikinn. Stjörnumenn áttu að fá víti eftir korter. Vítið sem Stjarnan fékk var ekki víti. Blikar áttu að fá rautt spjald. Línan var eins óskýr og hún gerist fannst mér. Dóri fékk gult fyrir að tala við sinn eigin leikmann, eða fyrir líkamstjáningu sem er galið. Ég gæti haldið áfram en ég ætla bara að sleppa því. Þeir sem sáu þetta sáu þetta.