Liðin ganga út á völl Sammi þeytir raustina í míkrófóninum og kynnir styrktaraðila sem og leikmenn liðanna. Kynnir Luke Rae sem bolvíking. Byrjaður að mýkja hann fyrir framtíðar transfer.

Verður maður ekki að rifja þetta upp Síðasti leikur þessara liða á þessum stað þegar Gunnar Már skoraði fallegasta mark sem sést hefur á vellinum. Verður það toppað í dag?

Skítaveður Það er helvíti haustlegt á Ísafirði í dag. Kalt, blautt og grátt í fjöllum. Ekki að sjá að það sé 17. ágúst.

Byrjunarliðin Byrjunarliðin eru klár. Pétur Bjarnason, Elmar Atli og Ibrahima Balde leysa af Fall, Tufegdzic og Gunnar Jónas sem eru í banni.

Nýju leikmenn Vestra eru á bekknum. Jeppe Pedersen og svo kom Inaki Rodriguez Jugo óvænt í gær. Hann er spænskur miðjumaður sem kemur úr bandaríska háskólaboltanum.

Fyrsta byrjunarlið Óskars er lítið breytt frá síðasta leik gegn FH. Gyrðir Hrafn kemur í byrjunarliðið í stað Arons Þórðar og Theódór Elmar leysir af Eyþór Aron.

Fyrri viðureignir Liðin gerðu 2-2 jafntefli í Vesturbænum. KR-ingar komust í 2-0 með tvennu frá Benóný Breka en Pétur Bjarnason og Tufegdzic jöfnuðu í seinni hálfleik.

Síðasti deildarleikur fyrir vestan var árið 1983 en þá gerðu liðin 1-1 jafntefli.

3 í banni hjá Vestra Heimamenn eru án þriggja leikmanna vegna leikbanns í dag. Gunnar Jónas Hauksson sem hefur verið í fantaformi í undanförnum leikjum, Sergine Fall og Vladimir Tufegdzic þurfa allir að sitja upp í stúku í dag vegna fjögurra gulra spjalda.

Hjá KR er einn í banni, Aron Þórður Albertsson.

Glugginn lokaður, styrktu liðin sig? KR fengu til sín aragrúa af leikmönnum, þó koma flestir ekki til með að spila fyrr en á næsta tímabili. Ljóst er að það er "rebuild" að hefjast í Vesturbænum. Þeir leikmenn sem koma líklega til með að setja mark sitt á liðið eru þeir Gyrðir Hrafn Guðbrandsson og Ástbjörn Þórðarson, en þeir koma báðir frá FH. Þá er Guðmundur Andri Tryggvason mættur á heimahagana til að leggja hönd á plóg.

Vestramenn voru rólegri en margur hefði haldið en Jeppe Pedersen gekk til liðs við Ísfirðinga frá Danmörku. Þá fengu þeir Inaki Rodriguez frá Audax Italiano í Síle auk tveggja varamarkmanna. Tarik Ibrahimagic fór í Víking og Nacho Gil, Marvin Darri, Toby King og Johannes Selvén hurfu á braut.

Stór leikur fyrir bæði lið Ljóst er að það er mikið undir í dag. Gestirnir eru með hetjuna í brúnni, Óskar Hrafn Þorvaldsson, og hann á að stýra liðinu úr neðri helming deildarinnar. Sterkur 1-0 sigur gegn FH á síðustu umferð og KR-ingar munu sækjast hart eftir þremur stigum í dag og fullkomna "byrjun" hjá Óskari við stjórnvölin.

Vestramenn þyrstir í sigur á heimavelli. Kerecisvöllurinn hefur ekki enn skilað þremur punktum í hús en eftir tvær frábærar frammistöður í röð líður þeim eins og sigurinn gæti dottið í dag.

Komið þið sæl Verið hjartanlega velkomin í þessa beinu textalýsingu frá leik Vestra og KR í bestu deild karla á Kerecisvellinum, Ísafirði