Það mátti sjá greinileg merki um þreytu frá báðum liðum hér í kvöld. Mikil barátta á miðjunni og ekki mikið um einhverjar opnanir hjá báðum liðum lengst af. Það þurfti þrumufleyg frá Kaj Leo til að fá sigurvegara í þennan leik og þetta mark átti svo sannarlega skilið að vera sigurmark.

Auðveldast að velja markið hjá Kaj Leo hérna. Boltinn berst til hans eftir horn og hann þrumar boltanum óverjandi framhjá Rafal Stefán sem átti góðan leik.

Njarðvíkingar halda sér í umspilsæti á meðan Grótta sitja áfram á botni deildarinnar þegar það eru bara þrjár umferðir eftir.

Amin Cosic fékk heldur betur færi til þess að skora í þessum leik. Komst í tvígang einn á móti markmanni en bæði skiptin lét hann verja frá sér. Amin Cosic átti skilið að skora en þetta bara féll ekki fyrir hann í kvöld. Fékk svo gult fyrir dýfu inn í teig.

Ákvarðanir og lína voru oft á gráu svæði hjá teyminu í dag. Ekkert sem hafði nein úrslita áhrif.