Meiri kraftur, meiri orka og sjálfstraust á vellinum hjá liði Víkinga. Þær fengu auðvitað draumabyrjun sem efldi trú þeirra á verkefnið til muna. FH liðið reyndi að krafla sig inn i leikinn á ný en er mark númer tvö leit dagsins ljós virtist björninn unninn fyrir Víkinga.

Þann 10,september síðastliðinn var alþjóðlegur forvarnardagur gegn sjálfsvígum FH liðið lék vegna þess í dag í gulum búningum. Búningunum er ætlað að vekja athygli á málstaðnum sem og starfi Pieta samtakanna en þau veita fyrstu hjálp, aðgengilega þjónustu, stuðning og meðferð fyrir þá sem eru í sjálfsvígshættu og brú í úrræði fyrir aðra. Þessi guli búningur er seldur í verslun félagsins og renna 1000 krónur af hverri seldri treyju til Pieta samtakana.

Víkingar í fjórða sæti með 32 minnka bilið í Þór/KA í eitt stig. Norðankonur eiga þó leik til góða. FH áfram í fimmta sætinu með 25 stig.

Sara Montoro þurfti að yfirgefa völlinn vegna hnémeiðsla skömmu eftir að hafa komið inn á sem varamaður. Ég vona innilega að meiðslin séu ekki alvarleg en Sara er nýkominn aftur inn á völlinn eftir að hafa jafnað sig á krossbandaslitum.

Þægilegt hjá teyminu í dag. Engar stórar ákvarðanir sem þurfti að taka en þær ákvarðanir sem þó þurfti að taka voru upp til hópa réttar frá mér séð.