Gæðin í Valsliðinu sigldu þessu yfir línuna í dag. Vestri gerði frábærlega í dag úr því sem komið var og komust yfir. Valur jafnaði og fóru liðin jöfn inn í hlé nokkuð sanngjarnt. Í síðari hálfleik var þetta ekki lengur spurning um hvort heldur hvenær Valur myndi ná inn markinu sem loks kom. Vestri reynu að kasta öllu fram til að fá eitthvað úr leiknum í restina en Valsmenn náðu að refsa og þar við sat.

Rauða spjaldið strax á 5. mínútu gjörbreytir öllum leiknum og því sem hann hefði mögulega getað orðið.

Valur heldur enn í vonarglætu um að vera með í pakkanum fyrir ofan sig og fjarlægist liðin fyrir neðan sig í 3.sætinu. Vestri eru enn að berjast fyrir lífi sínu í þessari deild og hanga rétt fyrir ofan rauðu línuna.

Gustav Kjeldsen tekur þetta í dag. Rautt eftir 5. mínútur er erfitt að horfa framhjá.

Rauða spjaldið var sennilega ef farið er eftir bókinni rétt held ég. Annað mark Vals smá vafaatriði upp á rangstöðu en ég þori ekki endilega að leggja mat á það. Sleppi teyminu með 5 en ef þetta er rangstaða í öðru markinu (hef ekki séð endursýningar) þá dragast þeir niður í fall.