SKÝRSLAN: Þróttarar og Sigga Beinteins lifa í voninni
Hvað réði úrslitum?
Þróttarar byrjuðu miklu betur og ótrúlegt að það var bara 1-0 í hálfleik en Keflvíkingar komu sterkari í seinni hálfleikinn. Þróttarar ógnuðu hressilega í lokin síðan sem skilaði sigurmarkinu.
Bestu leikmenn
1. Liam Daði Jeffs
Hann fór vissulega útaf á 66. mínútu en ég er ekkert smá hrifinn af honum. Sem leikmanni þá. Hann var gífurlega iðinn í dag og stanslaus hætta sem myndaðist þegar hann tók þessi hlaup. Braut ísinn og fiskaði held ég 4 gul og næstum því eitt rautt, þ.e.a.s. tvö gul á Gunnlaug Fannar. Frábær í dag.
2. Eiríkur Þorsteinsson Blöndal
Fyrirliðinn var drjúgur í dag og átti mjög góða kafla. Varðist vel og var hættulegur fram á við. Var næstum því búinn að skora í fyrri hálfleik og lagði upp sigurmarkið á Sigurð Steinar.
Atvikið
Sigurmarkið í lokin hjá varamanninum Sigurði Steinari sem var ekki búinn að vera með góða innkomu í leikinn fannst mér áður en hann kláraði þetta færi í lokin. Alvöru dramatík.
Hvað þýða úrslitin?
Þróttarar eru 5 stigum frá umspilssætinu og miði er enn möguleiki fyrir þá eftir sigurinn í dag. Keflvíkingar fara hins vegar fyrir neðan granna sína í Njarðvík í 4. sætið á markatölu og eru einnig með jafnmörg stig og ÍR. Þetta er ruglaður pakki þarna í þessari baráttu um umspilssætin. Þróttarar lifa í voninni líkt og Sigga Beinteins.
Vondur dagur
Gunnlaugur Fannar gaf Þrótturum fyrsta markið þegar hann ætlar að senda til baka en Liam Daði kemst fyrir og klárar. Síðan átti hann að fá rautt að mínu mati líka.
Dómarinn - 7
Mér fannst teymið bara dæma þetta feykivel. Fannst Gunnlaugur heppinn að sleppa við að fá annað gula undir lok fyrri hálfleiks en fyrir utan kannski það var þetta mjög vel dæmt.