Grindvíkingar taka stigin, boltana, vestin og allt sjálfstraust með sér í rútuna heim.

Takk fyrir samfylgdina.

Ion með enn eina aukaspyrnuna í dag. Þessi í skotfæri rétt fyrir utan teig. Boltinn framhjá veggnum sem og stönginni.

Aron Máni spyrnir boltanum fyrir úr hornspyrnunni og stúkann vill fá vítaspyrnu þegar leikmaður heimaliðsins fellur í teignum en ekkert dæmt.

Aron Dagur gerir virkilega vel í að blaka boltanum yfir eftir fyrirgjöf frá Breka sem stefndi í netið.

Seinni spyrnan frá Áka góð á fjærstöng þar sem Alejandro nær til boltans en nær hinsvegar ekki að stýrahonum á markið.

Hornspyrna sem heimamenn fá. Áki með boltann inn í teig þar sem Þröstur nær skallanum en ekki að marki. Boltinn svo afturfyrir af varnarmanni.

Þröstur Mikael liggur eftir í eigin teig eftir árekstur. Grindvíkingar eiga hornspyrnu en leikurinn stopp meðan hugað er að Þresti.

Grindvíkingar fá hér aukaspyrnu í kjörstöðu við teigshornið vinstra megin. Ion yfir boltanum.

Flóðljósin farin að skína og allt til reiðu. Áhugaverður hálfleikur framundan.

Staðan er 1-1 þegar gengið er til búningsherbergja eftir fjörugar fjörtíu og fimm mínútur.

Gestirnir séð töluvert meira af boltanum og sótt meginþorra leiksins en það voru heimamenn sem skoruðu fyrsta markið snemma leiks.

Grindvíkingar héldu þó áfram að sækja og reyna án þess að skapa alvöru færi. Dagur Ingi Hammer var þeirra hættulegasti maður í fyrri hálfleiknum og jafnaði leikinn með skoti af stuttu færi eftir þunga sókn undir lok hálfleiksins. Þar rétt á undan hafði Franko Lalic varið frábærlega frá honum.

Spennandi síðari hálfleikur framundan.

Adam verður að fara varlega. Blótar hátt og snjallt þegar hann fær ekki aukaspyrnu og brýtur svo af sér sekúndum síðar.

Þung sókn gestanna endar á því að Dagur Ingi nær föstu og góðu skoti úr teig. Boltinn stefndi í hornið fjær en frábær viðbrögð Franko Lalic i markinu sjá til þess að heimamenn leiða enn. Ver boltann í loftinu með sterkri útréttri vinstri hönd.

Grindvíkingar að banka.

Boltinn frá Áka á fjærstöng í smá klafs en markspyrna niðurstaðan á endanum.

Nú er það Borja sem nær skallanum, aftur af vörninni og önnur hornspyrna á leiðinni.

Sjaldséð sókn D/R. Breki sækir upp vinstramegin úr bakverðinum og vinnur hornspyrnu.

Spyrnan fín frá Áka. Jóhann fyrstur í boltann sem virðist hafa farið af varnarmanni og afturfyrir. Önnur hornspyrna.

Enn ein hornspyrnan sem Grindvíkingar vinna.

Ion yfir boltanum. Sama útkoman og fyrr. Borja skallar boltann burt.

Breki með frábæran sprett upp hægri kantinn og kemur boltanum fyrir markið en hann of nálægt Aroni Degi sem kastar sér á hann og heldur.

Horn, Grindavík. Boltinn inn í markteig en brotið er á Franko í marki D/R og aukaspyrna dæmd.

Dagur Ingi fær boltann vinstra megin í teig heimaliðsins. Sendir fasta vinstri fótar sendingu inn í markteig þar sem Adam Árni kemur á ferðinni en rétt missir af boltanum, sem rúllar aftur fyrir endamörk.

Þarna munaði ekki mörgum sentimetrum.

Þrátt fyrir að Grindvíkingar hafi séð mun meira af boltanum hafa þeir ekki enn náð að skapa sér almennilegt skotfæri.

Gestirnir fá aukaspyrnu úti vinstra megin og þar fer af stað atburðarás beint af æfingasvæðinu en á meðan pælingin var örugglega góð var útkoman hryllingur. Markspyrna.

Ion tekur spyrnuna en Borja rís hæst og skallar boltann burt. Sókn gestanna heldur áfram.

Ármann Ingi með flottan snúning á miðjum vallarhelmingi heimamanna og vinnur hornspyrnu.

Ion tekur spyrnuna. Boltinn á fjærstöng þar sem Dagur, að mér sýnist, nær til boltans en stýrir honum yfir markið.

Hér kemur hinsvegar fyrsta hornspyrna leiksins. Hún er gestanna.

Grindvíkingar heimta hornspyrnu eftir ágæta sókn en markspyrna er niðurstaðan.

Boltinn er farinn að rúlla og alvaran tekin við. Heimamenn þurfa nauðsynlega á þremur stigum að halda í dag.

Góða skemmtun.

Liðin eru mætt út á plastið og leikmenn kynntir til leiks.

Einungis eru fimm leikmenn á bekknum hjá D/R en meiðsli og enn frekar leikbönn hafa leikið liðið grátt í sumar.

Hassan Jallou og Matheus Bissi eru ekki í leikmannahóp liðsins í dag.

Heimamenn sitja í næstneðsta sæti deildarinnar með þrettán stig, líkt og botnlið Gróttu en gestirnir verma áttunda sætið.

Dalvík/Reynir tapaði úti gegn Keflvíkingum í síðustu umferð en Grindvíkingar gerðu 3-3 jafntefli gegn Leikni.

Uppihitun er enn í fullum gangi sem stendur en stutt er í að liðin gangi til búningsherbergja fyrir leik.

Góðan daginn og verið velkomin í beina textalýsingu frá Dalvík.

Hér mætast Dalvík/Reynir og Grindavík í Lengjudeild karla. Leikurinn hefst klukkan 16:00.