SKÝRSLAN: Bankaðu nógu oft þá brotnar hurðin
Hvað réði úrslitum?
Erfitt að skrifa það á annað en þrautseigju Blika. Það gekk litið hjá þeim að skapa afgerandi færi hjá þeim lengst af en alltaf héldu þeir áfram að reyna. Lentu undir en bættu þá bara í og gerðu smávegis breytingar sem þegar upp var staðið skiluðu sigri. Skagamenn að sama skapi sem spiluðu vel lengi vel varnar og sóknarlega féllu of djúpt í skotgrafirnar og var refsað fyrir það.
Bestu leikmenn
1. Ísak Snær Þorvaldsson
Dugnaður og meiri dugnaður. Var minna í færum en oft áður en vann ótrúlega vel fyrir liðið og var algjör lykilmaður í endurkomu þess.
2. Höskuldur Gunnlaugsson
Captain fantastic enn og aftur. Það er voðalega einfalt að sjá afhverju hann er fyrirliði. Hann gengur alltaf á undan með góðu fordæmi og er tilbúinn til þess að stíga upp þegar á þarf. Fór fyrir sínum mönnum og bankaði oft og fast á varnarhurð Skagamanna sem að endingu brotnaði.
Atvikið
Vítaspyrnudómurinn og sigurmarkið í kjölfarið. Lítið eftir á klukkunni og allt undir.
Hvað þýða úrslitin?
Blikar skella sér á toppinn. Sitja þar með 43 stig þremur stigum á undan Víkingum sem eiga þó leik til góða. Skagamenn falla niður í 5.sætið eftir sigur FH á Fylki og sitja þar með 31 stig.
Vondur dagur
Ég ætla að skrifa þetta á Jón Þór Hauksson. Hann gerir breytingu á liði sínu á 69.mínútu sem riðlar leik þeirra sem um munar. Ingi og Hinrik báðir hlaupið mikið og eflaust verið orðnir þreyttir en leikur liðsins var ekki svipur hjá sjón eftir brotthvarf þeirra.
Dómarinn - 8
Ég get ekkert kvartað undan Erlendi heilt yfir. Mögulega áttu Blikar að fá víti í fyrri hálfleik þegar Árni Marinó fór með hendurnar í höfðu Ísaks Snæs en ég á eftir að sjá atvikið aftur