SKÝRSLAN: Jafntefli gerir lítið fyrir bæði lið
Hvað réði úrslitum?
Þróttarar voru að mér fannst heilt yfir aðeins betra liðið þó leikurinn hafi verið frekar jafn. Reynsluboltinn Einar Karl Ingvarsson sá bara um það fyrir Grindvíkinga að jafna leikinn með frábæru marki og það gerðist ekkert voða mikið eftir það.
Bestu leikmenn
1. Jorgen Pettersen (Þróttur)
Jorgen hreif mig mjög á miðsvæðinu. Hann virtist byrja allar sóknir Þróttara og var vinnuþjarkur varnarlega.
2. Einar Karl Ingvarsson (Grindavík)
Leikur miðjumannana greinilega. Fyrirliðinn skoraði stórkostlegt mark til að jafna leikinn fyrir Grindavík og var að venju mjög áhrifamikill í leik liðsins.
Atvikið
Jöfnunarmark Einars var virkilega vel tekið og þess virði að finna það og sjá með eigin augum.
Hvað þýða úrslitin?
Grindavík er 6 stigum frá umspils sæti með 2 leiki eftir og er því 99% hægt að skrifa þá úr þeirri baráttu. Þeir geta ekki fallið þannig þeir fá tvo auka æfingaleiki í lok móts. Þróttarar halda enn í litla von um umspil en þeir eru í 7. sæti 4 stigum á eftir umpsils sæti. Liðin fyrir ofan þá eiga þó eftir að spila í þessari umferð og það gæti verið þannig eftir þessa helgi að þeir verða bara í sama bát og Grindvíkingar.
Vondur dagur
Sigurvin Ólafsson þjálfari Þróttara átti séns á að setja alvöru pressu á umspils sætið með sigri í dag. Með jafntefli er þetta nokkuð langsótt og mér fannst eins og Þróttara liðið hafi ekki komið fram við þennan leik eins og 'must win' leik. Það voru mistök að mínu mati.
Dómarinn - 8
Twana og hans teymi gerðu þetta bara vel í dag. Vítið var rétt að mér sýndist og annað bara flott.