Breiðablik bara með talsvert meiri gæði en Víkingur þessa stundina. Einn besti leikur sem ég hef séð hjá Breiðabliki í sumar. Voru með yfirburði og áttu sigurinn fyllilega skilið.

Markið sem Agla María skorar stuttu eftir að hún kemur inn á. Það er risastórt fyrir Breiðablik að fá þennan stórkostlega leikmann til baka úr meiðslum.

Breiðablik skellir sér á toppinn, upp fyrir Val sem gerði jafntefli við Þrótt í kvöld. Það eru eintómir úrslitaleikir framundan fyrir Blika. Víkingar eru í fjórða sæti deildarinnar.

Víkingar fóru á Kópavogsvöll síðasta sunnudag og töpuðu 4-0 og það gerðist aftur í kvöld. Víkingar þurfa að læra af mistökum sínum úr þessum tveimur leikjum því þetta er ekki boðlegt. Vondur dagur líka fyrir veðurguðina og áhorfendafjöldinn var ekki góður, en aðeins 107 áhorfendur mættu á Kópavogsvöll í kvöld. Úff.

Ekki mjög erfiður leikur að dæma, en mér fannst teymið dæma prýðisvel.