Valsmenn voru með leikinn í hendi sér eftir fyrri hálfleikinn tveimur mörkum yfir og manni fleiri. Víkingar voru þó síður en svo slakari aðilinn þrátt fyrir að vera einum færri en um leið og það varð jafnt í liðum aftur small þetta hjá Víkingum sem skoruðu út frá aukaspyrnunni sem var dæmd þegar Hólmar Örn fékk að líta rauða spjaldið. Víkingar náðu svo að jafna og það var síður en svo ósanngjarnt að þeir náðu svo inn sigurmarkinu og hreint ótrúleg endurkoma.

Rauða spjaldið sem Hólmar Örn fær. Það jafnar grundvöllinn og Víkingar skora úr aukaspyrnunni sem kemur þeim á bragðið í endurkomunni.

Víkingar eru þrem stigum á eftir Blikum í toppsætinu en með leik til góða og hentugri markatölu. Valsmenn hinsvegar áfram í þriðja sætinu og erfitt að sjá þá ná liðunum fyrir ofan sig úr þessu. Miði er þó möguleiki.

Aron Elís var hérna lengi vel en Hólmar Örn Eyjólfsson verður að taka þetta í kvöld. Eftir að hann fær rautt fer leikurinn endanlega frá Val.

Erfiður leikur að dæma. Fullt af atvikum. Valur hefði líklega átt að fá víti í fyrri. Hægt að færa rök fyrir fleiri rauðum spjöldum og í raun of mikið af atriðum sem hægt er að pikka út til að lyfta þessu eitthvað hærra en bara 4. Missti leikinn svolítið frá sér á köflum.