Erfið tímasetning Leikurinn hefst klukkan 16:15 og fer því ofan í stórleik Manchester United og Liverpool sem margir áhorfendur munu eflaust taka fram yfir þennan leik hér í dag. Í draumaheimi hefði þessi leikur í dag farið af stað klukkan 13:00 eða eftir klukkan 17:00.

Byrjaður að borga til baka Dagur Ingi Valsson skoraði sigurmark KA gegn Fram. Skoraði seint í uppbótartíma eftir frábæra sendingu frá Daníel Hafsteinssyni og tryggði KA stigin þrjú.

Hann er sagður hafa kostað KA 5 milljónir króna, en KA keypti hann frá Keflavík á gluggadeginum.

Arnór Gauti í hægri bakvörðinn? Það verður fróðlegt að sjá hvernig Dóri, þjálfari Blika, færir til í sínu liði. Andri Yeoman meiddur og spurning hver leysir hægri bakvörðinn. Höskuldur þekkir það auðvitað vel og Arnór Gauti hefur leyst þá stöðu.

Hlýtt en mikill vindur Það er nokkuð hlýtt á Akureyri í dag en það er talsvert mikill vindur og verður áskorun fyrir leikmenn að halda boltanum inn á vellinum ef eitthvað verður farið í að lyfta boltanum.

Daniel Obbekjær byrjar sinn fjórða leik hjá Blikum Skorað tvö mörk fyrir liðið í sumar. Verið í hlutverki varamanns fyrir Viktor Örn og Damir í sumar.

   26.08.2024 17:45

„Vorum búnir að loka á að það væri einhver að fara frá okkur"

Byrjunarliðin klár! Hallgrímur Jónasson, þjálfari KA, gerir enga breytingu frá sigrinum gegn Fram um síðustu helgi. Dagur Ingi Valsson, hetjan frá síðasta leik, byrjar áfram á bekknum. Jakob Snær Árnason snýr aftur á bekkinn eftir meiðsli.

Halldór Árnason, þjálfari Breiðabliks, gerir eina breytingu frá sigrinum á ÍA. Kristinn Steindórsson snýr aftur í liðið eftir leikbann. Han kemur inn fyrir Andra Rafn Yeoman sem meiddist í síðasta leik. Damir Muminovic er áfram fjarri góðu gamni.

Kristófer Ingi Kristinsson skoraði jöfnunarmark Breiðabliks á Skaganum. Hann er áfram á bekknum.

Byrjunarliðin má sjá hér til hliðar.

Dómarateymið Jóhann Ingi Jónsson er með flautuna í dag. Honum til aðstoðar eru þeir Guðmundur Ingi Bjarnason og Þórður Arnar Árnason eru aðstoðardómrar og Arnar Ingi Ingvarsson er á milli bekkjanna og
Þóroddur Hjaltalín er eftirlitsmaður KSÍ.

Þrír lykilmenn í hvoru liði Daníel Hafsteinsson hefur átt frábært tímabil inn á miðjunni hjá KA. Hallgrímur Mar hefur reglulega minnt á að það eru ennþá töfrar í honum og Viðar Örn Kjartansson er farinn að skora mörk.

Hjá Blikum hefur Davíð Ingvarsson komið virkilega vel inn eftir hálft ár í Danmörku, Höskuldur Gunnlaugsson fer fyrir sínum mönnum á miðjunni og Ísak Snær Þorvaldsson er funheitur og illviðráðanlegur í fremstu línu.

Ef þessir lykilmenn tikka allir í dag þá er von á miklum markaleik.

Auðvitað eru fleiri leikmenn sem hafa spilað frábærlega, en þessir sex hafa skinið skært að undanförnu.

Báðir þjálfarar gert virkilega vel Þeir Halldór Árnason og Hallgrímur Jónasson eiga báðir hrós skilið fyrir þeirra störf á þessu tímabili.

KA var í miklu brasi framan af móti en enginn panikkaði og KA fór að sýna betri og betri frammistöðu, og stigin fylgdu með. KA getur endað í efri hlutanum og framundan er bikarúrslitaleikur. Tímabilið hefur heilt yfir nokkuð gott, en verður frábært með titli og sæti í efri hlutanum.

Haddi tæklaði mótlætið vel, komið sér storminum og er nú í miklum meðvindi með sitt lið.

Breiðablik var ekki sannfærandi framan af móti, leikirnir voru ekki eins skemmtilegir og undanfarin ár, markaskorunin vissulega meiri en í fyrra, en einhvern veginn minni ævintýramennska. Stigasöfnunin var á sama tíma fín og hefur verið frábrær að undanförnu.

Blikar pressa öðruvísi en þeir hafa gert, eru ekki eins agressífir, en með Ísak í stuði og Höskuld að blómstra á miðjunni, þá verður alltaf erfitt að skáka þeim grænu.

Liðið sýndi svo mikið hjarta og sigurvilja um síðustu helgi þegar það kom til baka á Akranesi og kom sér í toppsætið.

Tekið sína bestu menn af velli í síðustu leikjum Það hefur vakið athygli að í tveimur af síðustu þremur leikjum hefur Hallgrímur Jónasson, þjálfari KA, tvo af sínum bestu leikmönnum af velli.

Daníel Hafsteinsson fór af velli gegn Fylki og í síðasta leik, gegn Fram, var Hallgrímur Mar Steingrímsson tekinn af velli. Í bæði skiptin var staðan í leiknum jöfn..

Enginn í banni - Allir klárir? Jakob Snær Árnason (KA) var ekki með í síðasta leik en gæti verið mættur aftur í dag. Andri Rafn Yeoman (Breiðabliki) fékk höfuðhögg í síðasta leik og þurfti að sauma 10 spor í vör hans. Spurning hvort hann verði með í dag.

Damir Muminovic (Breiðabliki) var fjarri góðu gamni í síðasta leik vegna meiðsla.

Blikar bestir í síðustu 5 - KA best í síðustu 10 Ef horft er í árangur liðanna í Bestu deildinni í síðustu fimm leikjum er Breiðablik með besta árangurinn, 13 stig fengin. KA er í öðru sæti með 9 stig.

Í síðustu tíu leikjum er KA efst með 22 stig fengin og Breiðablik hefur fengið 21 stig.

Breiðablik er á toppi deildarinnar og hefur fengið 16 stig af síðustu 18 mögulegum. KA er í 7. sæti og er taplaust frá því að liðið mætti Breiðabliki á útivelli í júní.

Jóhann Páll alltaf léttur jóhann Páll Ástvaldsson, íþróttafréttamaður á RÚV, er spámaður umferðarinnar.

KA 1-2 Breiðablik
Blikar hafa verið ólseigir á útivelli undir Dóra, sem hefur í makindum sínum átt eitt besta debut tímabil í sögu efstu deildar. Dóri Árna, þennan mann þarf að handjárna

Tvö heitustu lið landsins Góðan daginn lesendur góðir og veriði velkomnir í beina textalýsingu frá leik KA og Breiðabliks í 21. umferð Bestu deildarinnar.

Tvö heitustu lið deildarinnar mætast á Greifavellinum í dag og hefst leikurinn klukkan 16:15.