Klafs í teignum hjá KA og boltinn féll fullkomlega fyrir Kristófer Inga sem skoraði sigurmarkið. Það í bland við mögulegt víti og góð færi hjá KA sem fóru forgörðum. Skemmtilegur leikur sem KA átti skilið að fá meira úr.

Víti eða ekki víti, ég held þetta hafi átt að vera víti, en ég þurfti að horfa á þetta oft til að negla þá skoðun mína. Atvikið átti sér stað á 81. mínútu og í jafnri stöðu. Patrik Johannesen sveiflar fætinum og Viðar er að pikka í boltann á sama tíma. Boltinn skýst í burtu og Patrik heldur leik áfram eins og ekkert hafi gerst. Risastórt augnablik og mikið undir hjá báðum liðum.

Breiðablik vinnur aftur á erfiðum útivelli og er nú búið að vinna sex leiki af síðustu sjö. Með sigrinum í stoppar liðið taplausa hrinu KA sem náði aftur til júní. Liðið er á toppi deildarinnar, þremur stigum á undan Víkingi sem á leik til góða. KA getur eftir leikinn í dag í besta falli endað í 7. sæti, en bikarúrslitaleikurinn er gulrótin fyrir KA menn.

Mér fannst Hallgrímur Mar, Grímsi, töluvert frá sínu besta í dag. Það var ekki bara klúðrað færi í lokin. það var meira í leiknum sem var ólíkt Grímsa. Þá var Ívar Örn í talsvert miklu brasi í leiknum, Ívar sem yfirleitt er mjög traustur í vörn KA. Þrátt fyrir að þeir tveir hafi ekki verið upp á sitt besta, þá hefði KA hæglega getað unnið þennan leik, sem er hrós á KA liðið. Þá verð ég að setja vondan dag á leiktímann. 16:15 þegar Man Utd mætir Liverpool klukkan 15:00. Það er bara ekki góð hugmynd.

Jóhann var ekkert frábær í leiknum, en alls engin hörmung. Eins og ég segi í boxinu hér til hliðar þá finnst mér að KA hafi átt að fá víti á 81. mínútu, en ég þurfti að marghorfa á atvikið til að negla hvar ég stæði með það. Best að hver dæmi fyrir sig, en ég set fimmu á Jóhann.