Og sá íslenski!

Þjóðsöngvarnir Og við byrjum á þeim danska.

Styttist Þá ganga liðin og dómararnir til vallar og klappa í átt að áhorfendum.

Osula byrjar Ég ætla ekki þykjast þekkja alla leikmenn danska liðsins en William Osula byrjar sem er án efa stærsta nafnið í danska hópnum.

Daníel Freyr byrjar í fyrsta sinn! Ólafur Ingi, sem tók við af Davíð Snorra með U21 landsliðið, gerir alls fjórar breytingar á liðinu frá seinasta leik sem var gegn Tékkum á útivelli. Sá leikur tapaðist 4-1.

Eggert Aron Guðmundsson, Daníel Freyr Kristjánsson, Ari Sigurpálsson og Róbert Orri Þorkelsson koma inn í liðið fyrir þá Valgeir Valgeirsson, Ólaf Guðmundsson, Anton Loga Lúðvíksson, og Davíð Snæ Jóhannsson.

Það vekur ákveðna athygli að Daníel Freyr er í byrjunarliðinu en þetta er hans annar leikur fyrir U21 landsliðið og fyrsti byrjunarliðsleikurinn hans einnig.

Daníel er 19 ára vinstri bakvörður sem er hjá danska B-deildarliðinu Fredericia á láni frá Midtjylland. Hann var keyptur til Midtjylland frá Stjörnunni sumarið 2022.

Riðillinn 1. Danmörk - 11 stig/+5 í markatölu (5 leikir)
2. Wales - 11 stig/+2 í markatölu (6 leikir)
3. Ísland - 6 stig/-2 í markatölu (4 leikir)
4. Tékkland - 5 stig/+2 í markatölu (4 leikir)
5. Litháen - 0 stig/-7 í markatölu (5 leikir)

Með sigri í dag minnkum við muninn í danska liðið í tvö stig og eigum einn leik til góða. Danska liðið er ósigrað. Þetta er gífurlega stór leikur fyrir bæði lið.

Þriðja liðið - Allir frá Úkraínu Dómarateymið kemur allt frá Úkraínu en aðaldómarinn í dag heitir Oleksii Derevinskyi. Honum til halds og trausts verða þeir Semen Shlonschak og Viktor Matyash. Fjórði dómarinn heitir Klym Zabroda.

Óslípaður demantur fyrir Eddie Howe? Sá leikmaður í danska U21 árs landsliðinu sem er að spila fyrir stærsta félagið í hópnum er án efa William Osula sem er leikmaður Newcastle United í ensku úrvalsdeildinni.

Osula kom frá Sheffield United þar sem hann rembdist eins og rjúpan við staurinn að skora mörk en tókst það illa. Hann er núna orðinn leikmaður Newcastle United en það verður áhugavert að fylgjast með gangi mála hjá þessum unga leikmanni og hvort Eddie Howe nái að búa til eitthvað skrímsli úr honum.

Leikir Íslands í riðlinum Við höfum ekki alveg farið jafn vel af stað og danska liðið en við eigum þó einn leik til góða á þá. Eftir fjóra leiki höfum við unnið tvo og tapað tveimur. Töpin komu úti gegn Wales og Tékklandi en sigrarnir heima gegn Tékklandi og úti gegn Litháen.

Ólafur Ingi Skúlason sagði í viðtali við fótbolta.net í vikunni að við eigum góðan möguleika á að vinna danska U21 árs landsliðið þrátt fyrir að þeir séu taplausir.


Þetta er gífurlega mikilvægur leikur fyrir íslenska liðið í riðlinum en við gætum minnkað muninn í danska liðið niður í tvö stig með sigri og átt einn leik til góða.

Davíð Snær Jóhannsson, Andri Lucas Guðjohnsen, Kristall Máni Ingason og Andri Fannar Baldursson hafa skorað einu fjögur mörk Íslands í riðlinum til þessa.

Fleiri skemmtileg viðtöl við leikmenn í vikunni Anton Logi í viðtaliEggert Aron í viðtaliRóbert Orri í viðtali

Lucas Hey! Varnarmaður danska U21 árs landsliðsins Lucas Hey vann með Frey Alexanderssyni hjá Lyngby áður en Freyr fór til Kortrijk og Lucas til Nordsjælland þar sem hann spilar núna. Þeir náður mjög vel saman en þegar Freyr var að kveðja Lyngby liðið féllu tár á hvarm hjá dananum.

Lucas hefur vakið verðskuldaða athygli fyrir frammistöðu sína í Danmörku. Varnarmaðurinn verður sennilega brátt keyptur í eitthvað stórlið í Evrópu. Hann spilar fyrir Nordsjælland í dag sem eru þekktir fyrir það að selja leikmenn til risa félaga í Evrópu.

Danir ósigraðir Danska liðið er feykisterkt með nokkra mjög sterka leikmenn sem eru að spila í dönsku Superligunni og jafnvel ensku úrvalsdeildinni. Þeir eru ósigraðir í riðlinum eftir 5 leiki og eru á toppi deildarinnar. Þeir hafa þó ekki leikið gegn Íslandi í riðlinum. Liðin mætast fyrst núna og mætast síðan aftur í lokaumferðinni.

Frumraun Ólafs Inga Ólafur Ingi Skúlason mun þreyta frumraun sína sem aðalþjálfari U21 árs þjálfari eftir að hafa þjálfað U19 ára landsliðið í dágóðan tíma. Hann tekur við af Davíð Snorra sem er nú orðin aðstoðarþjálfari A landsliðsins.

Það verður spennandi að fylgjast með þessu spræka og skemmtilega landsliði spila saman undir stjórn Ólafs Inga sem á svo sannarlega framtíðina fyrir sér í þjálfun.

Ólafur ræddi við fótbolta.net í vikunni en hann er brattur fyrir leikinn gegn danska liðinu og segir að Ísland eigi góðan möguleika á sigri þrátt fyrir að danska liðið sé ósigrað í riðlinum í 5 leikjum.

Víkin heilsar! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá U 21 árs landsleik Íslands og Danmerkur í undankeppni EM.