Ljósanæturleikurinn Það er vel mætt í stúkuna hérna á Rafholtsvellinum. Nágrannaslagur af bestu gerð!

Spámaðurinn Karl Friðleifur Gunnarsson er spámaður umferðarinnar. Hann er leikmaður Víkings í Bestu deildinni. Hann fylgir á eftir Kjartani Kára Halldórssyni sem var með tvo leiki rétta í síðustu umferð.

Njarðvík 1 - 2 Keflavík
Kárarnir sjá um markaskorun í þessum leik. Kári Vilberg setur 1 fyrir Njarðvík og Kári Sigfússon setur 2 og póstar tiktok video af sigrinum.

Aðeins tvær umferðir eftir Þegar aðeins tvær umferðir eru eftir af Lengjudeildinni er spennan heldur betur farin að magnast. Gríðarleg barátta er í sætum 1.-6. þar em aðeins fjögur stig skilja að og línur eru að skýrast.
Einnig er botnbaráttan farin að taka á sig mynd en Grótta þarf nauðsynlega á sigri að halda til að halda í vonina um að halda sér uppi en Dalvík/Reynir eru fallnir.

1.ÍBV - 35 stig (+17)
---------
2.Keflavík - 34 stig (+9)
3.Fjölnir - 34 stig (+8)
4.Afturelding - 33 stig (+2)
5.ÍR - 32 stig (+4)
---------
6.Njarðvík - 31 stig (+5)
7.Þróttur R. - 27 stig (+4)
8.Grindavík - 25 stig (0)
9.Leiknir R. - 24 stig (-2)
10.Þór Ak - 20 stig (-9)
---------
11.Grótta - 16 stig (-17)
12.Dalvík/Reynir - 13 stig (-21)

Rimmur liðana Þessi félög eru mun vanari því að vera mætast á körfuboltavellinum heldur en í knattspyrnu.

Samkv. vef KSÍ hafa þessi lið aðeins mæst níu sinnum í mótsleik á vegum KSÍ.

Njarðvíkingar hafa unnið tvisvar (22%) og skorað 8 mörk.
Keflvíkingar hafa unnið fimm sinnum (56%) og skorað 15 mörk.
Liðin hafa þá skilið jöfn tvisvar (22%).

Athyglisvert að nefna það að einu sigrar Njarðvíkinga hafa verið í bikarkeppni KSÍ svo þeir geta skrifað kafla í sína sögu með því að vinna sinn fyrsta sigur á Keflavík í deildarleik í sögunni ef þeir leggja þá af velli í dag.

Kemst Njarðvík í umspilsæti fyrir lokaumferðina? Njarðvíkingar hafa aðeins verið að gefa eftir síðari hluta móts eftir frábæran fyrri hluta. Njarðvíkingar hafa verið í umspilsæti eða við toppinn allt mótið en finna sig nú stigi fyrir utan umspilsæti þegar tvær umferðir eru eftir.

Njarðvíkingar fengu skell í síðustu umferð gegn Aftureldingu svo það verður áhugavert að sjá hvernig liðið bregst við í nágrannaslagnum gegn Keflavík.

Dominik Radic var gríðarlega mikilvægur fyrir Njarðvíkurliðið í fyrri umferð Lengjudeildarinnar en hefur aðeins hægst á honum líkt og öllu liðinu á síðari hlutanum. Þrátt fyrir það er Dominik Radic í baráttunni um gullskóinn og er aðeins tveim mörkum frá efsta manni.

Njarðvíkingar hafa skorað 32 mörk í sumar og hafa þessi mörk raðast helst niður á þessa:

Dominik Radic - 11 mörk
Oumar Diouck - 8 mörk
Kaj Leo Í Bartalstovu - 5 mörk
*Aðrir minna

Ná Keflvíkingar toppsætinu? Keflavík getur með sigri hér í dag náð toppsæti deildarinnar og sett pressu á ÍBV fyrir morgundaginn í þeirra slag gegn Grindavík.
Keflavík eru sem stendur í 2.sæti deildarinnar stigi á eftir toppliði ÍBV.
Keflvíkingar voru lengi í gang en þegar það kviknaði á Keflavíkurliðinu ruku þeir upp töfluna. Sóknarleikurinn hjá Keflavík heufr verið mun betri eftir innkomu Mihael Mladen.

Keflavík hefur skorað 33 mörk í Lengjudeildinni í sumar. Markahæstu menn Keflavíkur eru:

Mihael Mladen - 6 mörk
Valur Þór Hákonarson - 3 mörk
Sami Kamel - 3 mörk
Kári Sigfússon - 3 mörk
Ari Steinn Guðmundsson - 3 mörk
*Aðrir minna

Þriðja liðið Helgi Mikael Jónasson fær það verkefni að halda utan um flautuna hér í þessum nágrannaslag og honum til aðstoðar verða Egill Guðvarður Guðlaugsson og Sveinn Ingi Sigurjónsson Waage.
Eftirlitsmaður KSÍ er svo Ingvar Örn Gíslason.

Heil og sæl! Verið hjartanlega velkomin í þráðbeina textalýsingu frá Rafholtsvellinum í Njarðvík þar sem Ljósanæturleikurinn fer fram.

Njarðvíkingar taka á móti nágrönnum sínum í Keflavík í næst síðustu umferð Lengjudeildarinnar fyrir umspil.