Heildar leikur liðsins var mjög góður, þéttleiki, vinnusemi og skorað úr færum. Það var ekki að sjá á ÍBV að þeir væru að fara að gefa eitthvað eftir þegar toppsætið er í húfi enda bættu þeir alltaf um betur og skoruðu í heildina 6 mörk án þess að fá einhverja alvöru pressu frá Grindvíkingum.

ÍBV liðið í heild gaf aldrei færi á sér og náðu að opna vörn Grindavíkur upp á gátt. Vinnusemin og þrautseigjan kom þeim áleiðis og þeir ætluðu aldrei að hætta að skora eftir fyrsta markið.

ÍBV er í dauðafæri að koma sér upp í Úrvalsdeildina en það er aðeins ein umferð eftir af fótboltasumrinu.

Lið Grindavíkur í heildina. Fjöldi marka sem liðið fékk á sig talar sínu máli, það er erfitt að fara inn í hálfleik 4-0 undir og þurfa að rífa sig í gang.