Einn leikur búinn í umferðinni Leikur Keflavíkur og Njarðvíkur fór fram í gær. Sá leikur endaði sem markalaust jafntefli. Það hefur þau áhrif á toppbaráttuna að Keflavík fór upp í 2. sætið jafnir ÍBV að stigum. Njarðvík fór upp í 5. sætið jafnir ÍR að stigum. Það mun líkast til ekki vera niðurstaðan eftir þessa umferð og því er þetta jafntefli ekkert sérlega góð úrslit fyrir liðin sem spiluðu í gær.

Byrjunarliðin Fjölnismenn gera 3 breytingar á liði sínu sem tapaði 2-1 fyrir Gróttu í síðustu umferð. Dagur Austmann, Bjarni Þór Hafstein og Rafael Máni Þrastarson setjast á bekkinn en fyrir þá koma Sigurvin Reynisson, Dagur Ingi Axelsson og Vilhjálmur Yngvi Hjálmarsson.

Afturelding gerir aðeins ina breytingu á sínu liði en það er Markmaðurinn Jökull Andrésson sem er ekki með í dag. Arnar Daði Jóhannesson kemur inn í staðin fyrir hann.

Spámaðurinn Karl Friðleifur Gunnarsson er spámaður umferðarinnar. Hann er leikmaður Víkings í Bestu deildinni. Hann fylgir á eftir Kjartani Kára Halldórssyni sem var með tvo leiki rétta í síðustu umferð.

Fjölnir 3 - 2 Afturelding
Rosalegur leikur í Grafarvoginum. Bjarni Þór Hafstein setur sigurmarkið.

Dómarinn Twana Khalid Ahmed verður með flautuna í þessum leik en honum til aðstoðar verða Eysteinn Hrafnkelsson og Guðmundur Ingi Bjarnason.

Eftirlitsmaður KSÍ er Þórður Ingi Guðjónsson

Er betra að byrja vel, eða enda vel? Í dag fáum við líkast til svarið á þessari spurningu. Fjölnismenn byrjuðu tímabilið rosalega vel og voru á toppi deildarinnar lengi. Það er þetta form í byrjun tímabilsins sem heldur þeim ennþá í séns á að fara upp um deild en eins og kemur fram hér fyrir neðan hafa þeir ekki unnið leik í síðustu 7 tilraunum.
Afturelding hinsvegar byrjaði tímabilið hræðilega og voru í 9. sæti deildarinnar eftir 12 umferðir. Þeir hafa aðeins tapað einum leik síðan þá og eru núna komnir í alvöru baráttu um að fara upp um deild. Leikurinn í dag teflir því eldheitu liði gegn svell köldu liði en það er ljóst að þetta er 'must win' fyrir bæði lið.

Afturelding heitasta liðið í Lengjudeildinni Mosfellingar hafa verið á gríðarlega góðu róli upp á síðkastið. Þeir eru búnir að vinna síðustu 4 leiki og hafa ekki tapað í síðustu 6. Þeir sitja í 4. sæti deildarinnar, stigi á eftir mótherjum sínum í dag. Afturelding endaði í 2. sæti deildarinnar í fyrra eins og frægt er en tapaði í úrslitaleiknum í umspilinu. Þeir eru því staðráðnir í að fara upp um deild í ár, þar sem þeim finnst líkast til flestum að þeir hefðu átt að gera það í fyrra.

Fjölnismenn í djúpum dal Fjölnismenn hafa ekki riðið feitum hesti upp á síðkastið þar sem þeir hafa ekki unnið leik 7 leiki í röð. Síðasti sigur liðsins kom gegn Grindavík í 13. umferðinni þann 18. júlí. Þrátt fyrir slæmt gengi liðsins eru þeir ennþá í góðum séns á að fara upp um deild. Fjölnir er í 3. sæti deildarinnar og pakkinn er heldur betur þéttur. Þeir eru aðeins stigi á eftir 1. sætinu en aðeins 3 stigum frá 6. sætinu. Þessi leikur er því gríðarlega mikilvægur fyrir Grafarvogsbúa, ætli þeir sér að fara upp um deild.

Lengjudeildin heilsar! Komið þið sæl og verið velkomin í beina textalýsingu frá leik Fjölnis og Aftureldingar í 21. umferð Lengjudeild karla.

Leikurinn hefst klukkan 14:00 og verður spilaður á Extra vellinum í Grafarvogi.