Það myndast klafs inni á teignum en ekkert kemur úr því og Wales vinnur. Frammistaða íslenska liðsins því miður mikil vonbrigði í dag. Vorum varnarlega óöruggir og sóknarmennirnir skutu púðurskotum.

Aukaspyrna á miðjum velli, Lúkas tekur hana, ALLIR INN Í!

Andri Fannar með skot við vítateigslínuna sem er slakt og fer framhjá.

Nægur tími til stefnu!

Í þetta sinn grípur Beach boltann.

Daníel Freyr tekur spyrnuna inn á teiginn sem Edward Beach kýlir yfir markið.

Komasvo! Inn með boltann!

Við erum alveg að komast í álitlegar stöður öðru hvoru en erum að taka lélegar ákvarðanir. Því fylgir léleg skot eða slakar sendingar trekk í trekk þegar við komumst á seinasta þriðjung vallarins.

Eli King tekur spyrnuna inn á teiginn. Það er hins vegar brotið á Andra Fannari og Ísland á boltann.

Finley Stevens kemur með fyrirgjöf inn á teiginn sem fer beint á Joel Colwill. Hann nær skoti sem er ekki fast og ekkert spes sem fer beint á Lúkas.

Róbert Orri er að elta Joshua Thomas þegar hann fær kipp í lærið og heldur utan um það. Hann missir Joshua frá sér og Lúkas ver aftur einn á einn. En Róbert liggur eftir og þarf að fara af velli. Líklega tognaður aftan í læri, ekki góðar fréttir.

Cotterill keyrir einn á einn á Hlyn Frey eftir slæman vanrarleik hjá Íslandi. Hlynur verst skelfilega í þessari stöðu og missir hann strax framhjá sér. Cotterill er þá kominn einn á einn gegn Lúkasi sem fer glæsilega með löppinni áður en Róbert Orri hreinsar boltanum frá í innkast. Skömmu síðar vilja Veilsverjar víti en fá ekki.

Þriðja skotið í seinni hálfleik fyrir utan teig sem fer lengst yfir markið og út í skóg. Hættum þessu takk fyrir!

Kristall Máni tekur spyrnuna sem fer út í skóg. Settu þetta á markið eða allavegana í versta falli í vegginn.

Það kemur langur bolti upp á Ara Sigurpáls. Hann gerir vel og rennir boltanum til hliðar á Hilmi Rafn sem tekur skotið við D-bogann í fyrsta framhjá. Líf og fjör í þessu til að byrja með á báða boga.

Íslendingar vildu víti í fyrri hálfleiknum en fengu ekkert. Haukur náði þessum myndum af atvikinu þegar Hilmir féll inni á teig Wales. Klár snerting hér

Já alls ekki merkilegur fyrri hálfleikur að baki en það er markalaust þegar liðin halda til búningsklefa. Tökum okkur korter og mætum síðan aftur að vörmu spori.

Andri Fannar tekur spyrnuna á nærsvæðið þar sem Luca Hoole er mættur og skallar frá.

Hilmir gerir glæsilega á teignum, sendir boltann fyrir markið og Velsku leikmennirnir koma boltanum aftur fyrir í horn.

Kristall og Hilmir leika skemmtilega á milli sín áður en Hilmir kemst einn í gegn. Hann er í baráttunni Luca Hoole og Hilmir fellur í teignum. Íslendingar vilja víti en fá ekkert! Ég veit ekki hvort þetta hafi verið víti en þetta var allavegana fyrsta jákvæða sókn okkar í leiknum.

Það er ekki mikið að frétta héðan úr Víkinni til þessa. Ég hef alveg séð skemmtilegri leiki ef ég á að vera alveg hreinskilinn.

Íslendingarnir standa vörðinn inn á teignum en Wales heldur í boltann. Boltinn berst inn á teiginn þar sem Finley Stevens er mættur. Hann setur boltann í stöngina og út úr frekar þröngu færi.

Wales að fá aukaspyrnu út við hliðarlínu ofarlega á vellinum. Fín staða fyrir fyrirgjöf.

Íslensku leikmennirnir verjast mjög vel og keyra upp í sókn. Við fáum innkast ofarlega á vellinum og erum að spila mjög vel í kringum vítateig Wales.

Velsku leikmennirnir herja að marki Íslands og fá aðra hornspyrnu.

Joshua Thomas fær boltann inni á teig Íslands og kemur honum fyrir markið. Þar er Joel Cotterill mættur og tekur skotið sem fer rétt framhjá. Skelfileg afgreiðsla sem betur fer!

Frekar rólegar þessar upphafsmínútur. Bæði lið halda aðeins í boltann og reyna að finna opnanir sem gengur ekki vel til að byrja með. Íslenska liðið meira með boltann.

Það er Charlie Savage sem á upphafssparkið fyrir Wales. Ísland leikur í bláum treyjum, bláum stuttbuxum og bláum sokkum. Wales leikur í gulum treyjum, gulum stuttbuxum og grænum sokkum.

Alltaf sama gæsahúðin sem maður fær þegar maður heyrir Lofsönginn góða.

Hen Wlad Fy Nhadau, þjóðsöngur Wales, ómar hér í tækjunum.

Þá ganga liðin til vallar ásamt dómurunum.

Ólafur Ingi Skúlason, þjálfari U21 landsliðsins, er búinn að opinbera byrjunarliðið og er það óbreytt frá sigrinum gegn Dönum. Lúkas Petersson er í markinu; Hlynur Freyr, Logi Hrafn, Róbert Orri og Daníel eru í vörninni; Andri Fannar og Eggert Aron eru á miðjunni og fremstu fjórir eru svo Kristall Máni, Ísak Andri, Ari Sigurpáls og Hilmir Rafn. Ísland verður í bláum treyjum og gestirnir frá Wales verða í gulum treyjum.

Það eru nokkur nöfn í Velska hópnum sem maður kannast við. Zachary Ashworth Zachary Ashworth er vinstri bakvörður League One liðsins Blackpool sem er sonur Dan Ashworth. Dan Ashworth er tæknilegur ráðgjafi Manchester United en hefur starfað bakvið tjöldin hjá liðum eins og Brighton og Newcastle einnig. Dan Ashworth Charlie Savage Charlie Savage er miðjumaður Reading og fyrrum leikmaður Manchester United og Forrest Green. Nafnið Savage vekur athygli en hann er sonur Robbie Savage sem er fyrrum leikmaður ensku úrvalsdeildarinnar og þekkt nafn á Englandi. Charlie náði að spila leik með aðalliði Manchester United þegar hann kom inn á gegn Young Boys í Meistaradeild Evrópu. Hann á þá einnig tvo A landsleiki fyrir Wales. Charlie Savage kom inn á gegn Young Boys fyrir Juan Mata Lewis Koumas Þennan mann þekkja mögulega einhverjir stuðningsmenn Liverpool. Þessi 18 ára gamli sóknarmaður á 1 leik og eitt mark fyrir aðallið Liverpool. Sá leikur og það mark kom í febrúar á þessu ári gegn Southampton í 3-0 sigri í FA bikarnum. Koumas tók þátt í báðum leikjum Wales í Þjóðadeildinni núna á dögunum. En hann kom inn á gegn Tyrklandi á föstudaginn og spilaði fyrri hálfleikinn í gær gegn Svartfjallalandi. Áhugavert að hann sé í hóp hjá Wales í dag. Hann á alls 4 A landsleiki fyrir Wales. Hann á einnig þekktan pabba en faðir Lewis heitir Jason Koumas og lék með liðum á Englandi eins og Tranmere Rovers, West Bromwich Albion og Wigan Athletic. Hér er Jason í leik á Laugardalsvelli árið 2007 í baráttunni við Aron Einar Gunnarsson, leikmann Þórs, og Eggert Gunnþór Jónsson, þjálfara KFA í dag. Jason Koumas, faðir Lewis, á Laugardalsvelli

Í gær var opinn æfing hjá U21 landsliðinu. Róber Orri og Andri Fannar, fyrirliði U21 landsliðsins, komu í viðtal til Fótbolti.net og fóru yfir leikinn sem framundan er. Þeir voru báðir sammála um það að sigurinn á Danmörku myndi ekki þýða neitt skyldu þeir ekki vinna Wales í dag.

Ólafur Ingi Skúlason, U21 landsliðsþjálfari, stýrði sínum fyrsta U21 landsleik í seinustu viku en frumraunin hans gat varla verið betri. 4-2 sigur og það á móti dönum. Mjög gott leikplan og in game ákvarðanatökur hjá Ólafi og þjálfarateyminu. Ólafur segist eiga von á allt öðrum leik gegn Wales en gegn Dönum. Wales leikurinn verður mun físískari þar sem Íslenska liðið verður að vera tilbúið í baráttuna frá fyrstu mínútu. Hann var í viðtali hjá Fótbolti.net í gær á opinni æfingu þar sem hann fór yfir Danaleikinn og leikinn gegn Wales.

Strákarnir mættu Dönum á fimmtudaginn í seinustu viku og unnu frábæran 4-2 sigur þar sem Kristall Máni skoraði þrjú mörk. Leikurinn var í járnum framan af en eftir rauða spjaldið sem Danmörk fékk á sig fyrir brot inni á vítateig sáu Danir ekki til sólar.

Veriði hjartanlega velkomin í þessa þráðbeinu textalýsingu frá Víkingsvelli þar sem U21 landsleikur Íslands og Wales í undankeppni EM U21 verður spilaður. Um er að ræða gífurlega mikilvægan leik fyrir bæði lið sérstaklega eftir að Ísland vann Danmörk í seinustu viku.