Wales mættu út í seinni hálfleikinn og voru aggresífari og það var meiri orka í þeim. Íslenska liðið var ekki nógu samstillt varnarlega og sóknarlega sem gerði eiginlega gæfumuninn í dag.

Í seinni hálfleik átti Joe Low, fyrrum leikmaður Walsall, að fá rautt spjald fyrir olnobgaskot á Hilmi að mínu mati. Boltinn lengst frá honum og bara algjör óþarfi.

Ísland er núna 5 stigum á eftir Wales og Danmörku og möguleikarnir eru orðnir allt í einu mjög litlir.

Hvar á ég að byrja. Mér fannst bæði lið bara arfaslök í fyrri hálfleiknum. En maður sá það strax í upphafi síðari hálfleiks hvaða lið var mætt til leiks. Wales tóku forystuna fljótlega og fengu fullt af færum til að skora. Á fyrsta korteri seinni hálfleiksins áttum við þrjú skot sem fóru út í Kópavog, annars vorum við frekar bitlausir fram á við. Ef ég á að velja einn myndi ég taka Hlyn Frey. Mér fannst hann ströggla í dag og sérstaklega í öðru markinu og færi rétt á undan. Barnalegur varnarleikur.

Það komu kaflar sem hann dæmdi leikinn ekki vel. Ísland átti að fá vítaspyrnu í fyrri hálfleik og mér fannst Joe Low átt að fá rautt spjald í seinni hálfleiknum. Annars fannst mér hann dæma þetta heilt yfir bara fínt fyrir utan eitt og eitt atvik.