Tíðindalítill seinni hálfleikur en Víkingur gjörsamlega átti fyrri hálfleikinn. Sanngjarn sigur Víkinga staðreynd.

3 mínútur í uppbót.

Langur bolti fram á Atla og hann er fljótur að koma sér inn í teig og gefa boltan fyrir. Ástbjörn er á hinum endanum á sendingunni og hann nær skotinu en varið hjá Ingvari.

KR-ingar setja langan bolta fram og Atli nær að plata rangstöðugildruna. Hann er þá kominn einn í gegn og reynir að lyfta boltanum yfir Ingvar. Skotið er ekki alveg nógu nákvæmt og fer rétt framhjá markinu.

Helgi er fljótur að taka innkast á vinstri kantinum, hann kastar boltanum fast á Valdimar sem er sloppinn einn í gegn. Guy Smit kemur hinsvegar vel út úr markinu og nær að stoppa þetta.

Góður bolti hjá Helga inn á teig fer samt framhjá öllum. Þá kemur Óskar frá hinum kantinum. Hann tekur boltan, tekur eitt skref í átt að marki og tekur skotið, rétt framhjá markinu.

Flott samspil hjá Helga og Valdimar á hægri kantinum. Helgi kemur svo með fasta seindingu fyrir markið. Nikolaj kastar sér á boltanum en skotið hans fer af varnarmanni og aftur fyrir.

KR tekur hornspyrnu, þeir lyfta boltanum inn í teig. Þá var það einhver sem skallaði boltan áfram og boltinn dettur beint fyrir fæturna á Atla Sigurjóns inn í markteig. Atli er frekar seinn að átta sig á því en áður en hann getur tekið skotið er hann dæmdur rangstæður.

Víkingar sungu áðan "það er aðeins eitt lið á vellinum" og það er einfaldlega þannig. Víkingar með öll tök á þessum leik, KR fer bara sjaldan yfir miðju.

1 mínúta í uppbót.

Víta dómurinn var þannig að Alex Þór gaf herfilega sendingu aftur á Theodór Elmar. Valdimar kemur í harða pressu, er á undan í boltan og Theodór tekur hann niður. Hárrétt ákvörðun.

Benóný fær langan bolta fram til sín og hann herjar að vörninni. Hann tekur eina snögga gabbhreyfingu til að búa til pláss og tekur svo fast skot upp í nærhornið. Ingvar kemur hinsvegar með stórkostlega viðbragðs vörslu!

Gísli Gotti ????????????????

— Adam Palsson (@Adampalss) September 13, 2024

Víkingar spila sig vel í gegnum vörnina upp vinstri kantinn. Þá kemur Valdimar með sendinguna á Ara sem er í góðu plássi. Hann lætur vaða á markið, gott skot en Smit ver vel.

Víkingar eru að finna mikið af plássi þegar þeir sækja hratt og beinskeytt. KR liðið er í mjög breytilegu kerfi þar sem menn skiptast á stöðum, það virðist vera að búa til þessi opnu pláss sem Víkingar eru að nýta sér vel.

Uppstilling KR 4-4-2 Smit Ástbjörn - Birgir - Axel - Gyrðir Luke - Alex Þór - Theodór - Aron Þórður Benóný - Aron Sig Uppstilling Víkinga 4-3-3 Ingvar Tarik - Gunnar - Ekroth - Jón Guðni Gísli - Viktor - Valdimar Ari - Nikolaj - Danijel

Boltanum er lyft inn í teig en Víkingar skalla frá.

KR vinnur fyrsta horn leiksins.

Elías flautar leikinn af stað.

Óskar Hrafn Þorvaldsson þjálfari KR gerir 3 breytingar á sínu liði sem vann ÍA 4-2 í síðustu umferð. Það eru Alex Þór Hauksson, Gyrðir Hrafn Guðbrandsson og Theodór Elmar Bjarnason sem koma inn í liðið. Finnur Tómas Pálmason, Atli Sigurjónsson og Jón Arnar Sigurðsson fá sér allir sæti á bekknum. Arnar Gunnlaugsson þjálfari Víkings gerir 2 breytingar á sínu liði sem vann Val 3-2 í síðustu umferð. Jón Guðni Fjóluson og Gunnar Vatnhamar koma inn í liðið. Aron Elís Þrándarsson og Karl Friðleifur Gunnarsson eru báðir í leikbanni.

Síðast þegar þessi lið mættust í deildinni gerðu þau 1-1 jafntefli á Víkingsvelli. Þá var Pálmi Rafn Pálmason þjálfari liðsins en þetta var hans fyrst leikur við stjórnvöld eftir að hafa tekið við af Gregg Ryder sem var þarna nýlega rekinn frá félaginu. Í síðustu 10 deildarleikjum milli þessara liða hafa KR aðeins unnið 1 leik, liðin hafa skilið jöfn 5 sinnum og Víkingur unnið 4 leiki. KR skoraði 12 mörk í þessum leikjum og Víkingar 18. 22.06.24 Víkingur - KR 1-1 20.09.23 Víkingur - KR 2-2 23.07.23 KR - Víkingur 1-2 24.04.23 Víkingur - KR 3-0 24.10.22 Víkingur - KR 2-2 17.09.22 Víkingur - KR 2-2 01.07.22 KR - Víkingur 0-3 19.09.21 KR - Víkingur 1-2 21.06.21 Víkingur - KR 1-1 01.10.20 Víkingur - KR 0-2

Leikurinn í dag er í raun leikur í 20. umferð deildarinnar. Leiknum var frestað frá sínum upprunarlega spiltíma til þess að gefa Víkingum meiri hvíldartíma fyrir sína Evrópu baráttu. Það er hægt að segja að það heppnaðist vel þar sem Víkingarnir eru komnir áfram í deildarkeppni Sambandsdeildarinnar, en í staðin þurfa þeir þá að spila í dag og síðan aftur annan mikilvægan deildarleik á Mánudaginn gegn Fylki.

Víkingur verður án mikilvægra leikmanna í dag en bæði Karl Friðleifur Gunnarsson og Aron Elís Þrándarsson eru í leikbanni. Þá er þjálfari liðsins Arnar Gunnlaugsson einnig í banni eins og komið hefur fram hér fyrir neðan.

Elías Ingi Árnason dæmir leikinn á morgun en honum til aðstoðar verða Gylfi Már Sigurðsson og Guðmundur Ingi Bjarnason Fjórði dómari verður Aðalbjörn Heiðar Þorsteinsson og Jón Magnús Guðjónsson er eftirlitsmaður KSÍ.

KR-ingum líður ekkert sérstaklega vel heima hjá sér og eru neðstir þegar kemur að árangri á heimavelli. Liðið hefur aðeins unnið tvo af tíu heimaleikjum og Meistaravellir aðeins skilað samtals tíu stigum heim á bæ.

Þjálfararnir tveir Óskar Hrafn Þorvaldsson og Arnar Gunnlaugsson hafa átt einn skemmtilegasta rýg deildarinnar síðustu árin. Það átti sér stað þegar Óskar var þjálfari Breiðabliks en leikurinn í dag hefði átt að vera fyrsta skiptið sem þeir áttu að mætast á hliðarlínunni síðan Óskar fór frá Breiðablik. Það gerist þó ekki, þar sem því miður er Arnar í leikbanni eftir að hafa fengið sitt annað rauða spjald á tímabilinu í jafnteflis leik gegn Vestra. Þetta er hans síðasti leikur í þessu leikbanni og því mun Sölvi Geir Ottesen aðstoðarþjálfari liðsins stýra liðinu í dag.Óskar Hrafn Þorvaldsson Arnar Gunnlaugsson

Víkingar eru 2. sæti deildarinnar sem stendur en með sigri í dag geta þeir jafnað Breiðablik af stigum sem er í efsta sæti. Víkingar eru þó með ögn betri markatölu og þeir myndu þá taka topp sætið af þeim. Í síðustu umferð unnu Víkingar, Valsara 3-2 í hádramatískum leik. Aron Elís Þrándarsson fékk rautt spjald í fyrri hálfleik og Valsarar komust í 2-0 fljótlega eftir það. Í seinni hálfleik fékk hinsvegar Hólmar Örn Eyjólfsson rautt spjald og þá voru Víkingar fljótir að snúa taflinu við og unnu leikinn 3-2. Nýjasti leikmaður Víkinga, Tarik Ibrahimagic átti frábæran leik og var valinn maður leiksins eftir að hafa skorað jöfnunarmarkið í leiknum.

Staða KR í deildinni er enn nokkuð vafasöm eftir erfitt sumar. Þeir sitja í 9. sæti deildarinnar með 21 stig aðeins 3 stigum frá fallsæti. Vesturbæingar náðu sér í hagstæð úrslit í síðustu umferð þar sem þeir unnu ÍA 4-2. Benóný Breki Andrésson átti þar stórleik þar sem hann skoraði þrennu, hann er einnig markahæsti leikmaður KR-inga á tímabilinu með 10 mörk. Þar sem þetta er leikur sem KR á innbyrðis á liðin í kringum sig getur sigur gert ansi mikið fyrir þá. Þeir geta komið sér 6 stigum frá fallsæti og með aðeins 6 leiki eftir af tímibilinu eftir þennan leik, væri það mjög stórt í þeirra baráttu um að halda sínu sæti í Bestu deildinni.

Komið þið sæl og verið hjartanlega velkomin í beina textalýsingu frá leik KR og Víkings í Bestu deild karla. Leikurinn hefst klukkan 17:00 og verður spilaður á Meistaravöllum.