Engin sérstök aðstaða til lýsingar Það virðast gilda aðrar reglur í Bestu deild karla og Bestu deild kvenna. Í Bestu karla má ekkert vera í gangi á svæðinu annað en leikur. Hér á meðan leikur í Bestu kvenna er í gangi er júdóæfing í KA heimilinu en blaðamannaaðstaðan er venjulega í júdósalnum. Ég og blaðamaður Vísis sitjum núna inni í KA heimili við hliðina á stúkunni og sjáum við ekki hluta vallarins. Skrítið að reglurnar séu ekki eins milli deildanna.

Tveggja hesta kapphlaup Breiðablik berst við Val á toppi deildarinnar. Í dag leika bæði lið sinn fjórða síðasta leik í deildinni. Eins og fyrr segir er Breiðablik með eins stigs forskot á toppi deildarinnar, en liðin eiga eftir að mætast innbyrðist. Bæði lið eiga eftir að spila við Þór/KA, Valur gerir það auðvitað í dag.

Glampandi sól en ekker svakalega hlýtt Það er 6-7 stiga hiti á Akureyri en glampandi sól og hreyfir varla vind. Flottar aðstæður.

Langmarkahæst í deildinni Sandra María Jessen er langmarkahæst í deildinni með 21 mark, með tíu mörkum meira en sú næstmarkahæsta.

Hún skoraði gegn öllum liðum deildarinnar í sumar. Eins og fram kom hér að neðan þá skoraði hún mark Þórs/KA gegn Val í 1. umferð deildarinnar.

Jasmín Erla Ingadóttir er markahæsti leikmaður Vals með átta mörk í deildinni.

Þriðja liðið Sigurður Hjörtur Þrastarson er með flautuna í dag. Honum til aðstoðar eru þeir Patrik Freyr Guðmundson og Arnar Gauti Finnsson. Bergvin Fannar Gunnarsson er fjórði dómari og Bragi Bergmann er eftirlitsmaður KSÍ.

Valur var í forkeppni Meistaradeildarinnar Valur tók þátt í 1. umferð Meistaradeildarinnar í síðustu viku. Valur vann stórsigur á norður-makedónsku meisturunum en tapaði svo gegn hollensku meisturunum í Twente í úrslitaleik um sæti í 2. umferð keppninnar.

Byrjunarliðin: Fjórar breytingar hjá Þór/KA Búið er að opinbera byrjunarliðin fyrir leikinn. Fjórar breytingar eru á liði Þór/KA frá sigrinum gegn FH í síðustu umferð.

Angela Marý, Amalía, Emelía Ósk og Bríet koma inn í liðið fyrir þær Lara Ivanusa, Lidija Kulis, Bryndísi Eiríksdóttur og Ísfold Marý Sigtryggsdóttur. Þær Lara og Lidija eru farnar til Sameinuðu arabísku furstadæmanna, Bryndís er lánsmaður frá Val og Ísfold er ekki í hóp.

Ein breyting er á liði Vals frá síðustu leikjum. Ísabella Sara kemur inn í liðið fyrir Ragnheiði Þórunni Jónsdóttur sem er ekki með í dag.

Valur unnið Þór/KA tvisvar í sumar Liðin eru að mætast í þriðja sinn í sumar. Valur vann leik liðanna á N1 vellinum í 1. umferð, 3-1, þann 21. apríl. Þá skoraði Amanda Andradóttir tvö mörk fyrir Val og Jasmín Erla Ingadóttir eitt. Sandra María Jessen klóraði svo í bakkann fyrir Þór/KA undir lokin.

Þann 25. júní, á VÍS vellinum, vann Valur svo 1-2 útisigur með mörkum undir lokin.

Hulda Ósk Jónsdóttir kom heimakonum yfir á 60. mínútu. Varamaðurinn Berglind Björg Þorvaldsdóttir jafnaði metin á 85. mínútu og Anna Björk Kristjánsdóttir tryggði sigurinn með marki í uppbótartíma.

Anna Björk er ólétt og Amanda fór til Twente í sumarglugganum og því verða þær ekki með Val í dag.

Jasmín Erla

Önnur umferð í efri hlutanum Klukkan 17:15 á Greifavellinum tekur Þór/KA á móti Val í 2. umferð efri hlutans í Bestu deildinni.

Valur er sem stendur í 2. sæti deildarinnar, stigi á eftir Breiðabliki sem mætir Þrótti Reykjavík seinna í kvöld.

Þór/KA er í 3. sæti deildarinnar, sautján stigum á eftir Val.