SKÝRSLAN: Gönguferð á Meistaravöllum fyrir Víkinga
Hvað réði úrslitum?
Víkingar voru með öll völd á leiknum í fyrri hálfleik og hálfpartinn léku sér að KR-ingum, skoruður 3 mörk og svo var lítið sem gerðist eftir það. Víkingar settu bara í fyrsta gír og slökuðu á út seinni hálfleikinn, og sigldu þessum sigri heim.
Bestu leikmenn
1. Gísli Gottskálk Þórðarson (Víkingur)
Gísli var gjörsamlega frábær í fyrri hálfleiknum. Lagði upp mark alveg listilega og skoraði einnig sjálfur. Hann átti hreinlega miðjuna í dag.
2. Ari Sigurpálsson (Víkingur)
Ari var einhvernegin alltaf í plássi og nýtti það vel. Skoraði fyrsta mark leiksins og lagði einnig upp á Gísla.
Atvikið
Aron Sigurðarson fékk gult spjald fyrir leikaraskap á 54. mínútu leiksins. KR-ingar vildu fá vítaspyrnu í því atviki en mér sýnist Elías Ingi dómari leiksins hafa verið með þetta bara hárrétt.
Hvað þýða úrslitin?
Víkingar endurheimta efsta sætið í deildinni en þó bara á markatölu. KR er enn í 9. sæti deildarinnar aðeins 3 stigum frá fallsæti.
Vondur dagur
Það eru margir úr KR liðinu sem eiga heima hér. Alex Þór fyrir glórulausu sendinguna sem hann á þegar Víkingar fá víti. Axel Óskar var trekk í trekk að gefa boltan frá sér. Aron Þórður náði eiginlega aldrei að klukka Ara Sigurpáls. Svo verður Óskar Hrafn að vera gagnrýndur fyrir sitt upplegg. Þeir voru í maður á mann vörn sem gekk ekki vel, menn Víkingar voru að finna mikið pláss til að leika sér á frekar reglulega og það skrifast á Óskar.
Dómarinn - 10
Tvö stór atvik sem Elías neglir. Spjöldin öll rétt. Ég finn ekkert sem hægt er að setja út á Elías og hans teymi í dag, óaðfinnanlegt.