Taflan og aðrir leikir umferðarinnar Eins og venja er í lokaumferð fara allir leikirnir fram á sama tíma. Fótbolti.net er með menn á öllum völlum Lengjudeildarinnar í dag og í borðanum hér efst á síðunni getur þú lesendi góður flett á milli leikjanna og séð stöðuna í leikjum eins og hún er. Ég og eflaust fleiri fréttaritarar munu svo birta uppfærða stöðutöflu eftir því hvernig leikjum dagsins vindur fram en mun ég þó einblína á þessi topp sex sæti.



Lokaumferðin í Lengjudeild karla
14:00 Leiknir R.-ÍBV (Domusnova)
14:00 Keflavík-Fjölnir (HS Orku)
14:00 Afturelding-ÍR (Malbikstöðin)
14:00 Grindavík-Njarðvík (Stakkavík)
14:00 Dalvík/Reynir-Þróttur R. (Dalvík)
14:00 Grótta-Þór (Vivaldi)

Spámaður Viktor Jónsson leikmaður ÍA og markahæsti leikmaður Bestu deildarinnar er spámaður Fótbolta.net fyrir þessa lokaumferð Lengjudeildarinnar.


Keflavík 1 - 2 Fjölnir
Risa leikur fyrir Fjölnismenn, þeir hafa farið í gegnum dimma öldudali, svartnætti og sorg. En sólin væri ekki góð ef það væri ekkert regn eins og Reynir Haralds vinur minn söng. Það birtir til yfir 112 og fjölnismenn vinna Keflavík á meðan ÍBV gerir jafntefli og tryggja sig beint upp í efstu deild.

Tríóið KSÍ hefur gefið út hverjir dæma leikina í þessari lokaumferð Lengjudeildarinnar.

   13.09.2024 07:40

Þessir dæma í mikilvægum lokaumferðum laugardagsins

Pétur Guðmundsson heldur um flautuna hér í Keflavík. Honum til aðstoðar eru Guðni Freyr Ingvason (AD 1) og Óliver Thanh Tung Vú (AD 2) Einn allra nákvæmasti eftirlitsmaður KSÍ Skúli Freyr Brynjólfsson sinnir svo eftirliti fyrir Knattspyrnusambandið.

3. Keflavík (+9 í markatölu): 35 stig Í lokaumferð: Keflavík - Fjölnir
Markatalan og innbyrðisleikurinn í Mosfellsbæ gerir það að verkum að það eru nánast allar líkur á því að Keflavík fari í umspilið, þó enn séu stærfræðilegar líkur á því að liðið geti misst af umspilssætinu. Jafntefli gegn Fjölni og umspilið er gulltryggt. Keflavík á ekki raunhæfa möguleika á toppsætinu vegna öflugrar markatölu ÍBV. Verða án Frans Elvarssonar og Mamadou Diaw sem báðir taka út leikbann.

Lykilmaður í lokabaráttunni: Sami Kamel
Einn hæfileikaríkasti leikmaður deildarinnar, eins og hann hefur sýnt gegn liðum í Bestu deildinni. Kamel nær ekki að sýna sínar bestu hliðar nægilega oft við gremju stuðningsmanna. Hann þarf að vera í sparifötunum nú þegar komið er að úrslitastund.

Hversu mikil vonbrigði ef liðið fer ekki upp: 7/10
Í síðustu spá fyrir tímabil var Keflavík spáð efsta sætinu. Liðið er vel mannað og ungir leikmenn fengið stór hlutverk. Það yrðu klárlega vonbrigði að komast ekki upp en liðið virðist þó í góðum höndum Haraldar Freys Guðmundssonar og líklegt til að gera aðra öfluga atlögu að efstu deild að ári ef markmiðið næst ekki núna.

2. Fjölnir (+10 í markatölu): 37 stig Elvar Geir Magnússon tók saman efni um liðin sem eru að berjast í efri hluta Lengjudeildarinnar í Vikunni. Um Fjölni sagði hann.

   11.09.2024 11:30

Rafmögnuð spenna fyrir lokaumferð Lengjudeildarinnar - Gleði og vonbrigði

Í lokaumferð: Keflavík - Fjölnir
Fjölnir þarf sigur í lokaumferð og treysta á að ÍBV misstígi sig í Breiðholti til að tryggja sér efsta sætið og þar með beint upp í Bestu deildina. Liðið er öruggt með að minnsta kosti umspil.

Lykilmaður í lokabaráttunni: Máni Austmann
Grafarvogsliðið þarf á því að halda að þeirra markahæsti maður verði á skotskónum á lokasprettinum. Máni er kominn með tólf mörk í deildinni og skoraði gegn Aftureldingu um síðustu helgi en hafði ekki skorað í mánuð þar á undan.

Hversu mikil vonbrigði ef liðið fer ekki upp: 9/10
Fjölnir hefur verið í toppsætinu stærsta hluta tímabilsins en lenti skyndilega í djúpum dal og fór í gegnum margar vikur án þess að vinna leik. Mikið hefur verið rætt um slæma fjárhagsstöðu félagsins og ljóst að það myndi hjálpa liðinu að halda lykilmönnum og halda sjó

Lengjudeildarveisla í lokaumferð Það er sannkölluð veisla framundan hér á Fótbolti.net þennan laugardaginn þegar lokaumferð Lengjudeildar karla fer fram.

Toppbaráttan er í algleymingi og spennan er gríðarleg. Tryggir ÍBV sig upp í Bestu deildina eða misstíga þeir sig gegn pressulausum Leiknismönnum og hleypa Fjölni í toppsætið? Hvaða lið fá heimavallarétt í umspilinu? Hvaða lið missir af umspilinu? Verður það Njarðvík sem lengi vel sat á toppnum? Verður það Afturelding sem kom eins og stormsveipur inn í mótið á seinni helmingi þess? Eða verður það jafnvel Keflavík eða ÍR?

Öllum þessum spurningum verður svarað hér í dag og það í beinni textalýsingu. Spennið beltin og góða skemmtun!