Það er bongó!! Þvílíka sólskinið sem við erum að fá hér á Akranesi, það er svo bara létt gola. Ég hvet alla sem hafa tök á því að fjölmenna á þennan leik, hægt að setjast í grasbrekkuna með sólina framan í sig, láta sér líða vel og horfa á hágæða fótboltaleik.

Byrjunarliðin Jón Þór Hauksson þjálfari ÍA gerir eina breytingu á sínu liði sem tapaði fyrir KR 4-2 í síðustu umferð. Rúnar Már Sigurjónsson kemur inn í liðið en Marko Vardic fór meiddur af velli í síðasta leik og er því ekki með í dag.

Hallgrímur Jónasson þjálfari KA gerir eina breytingu á sínu liði sem tapaði 3-2 fyrir Breiðablik í síðustu umferð. Jakob Snær Árnason kemur inn í byrjunarliðið á meðan Ásgeir Sigurgeirsson sest á bekkinn.

Gary kíkir í kristalkúluna Til þess að spá í 22. umferðina er vel við hæfi að fá Gary Martin sem lék í dag sinn síðasta leik á Íslandi. Hann er að flytja af landinu eftir 13 ár þar sem hann hefur meira og minna verið á Íslandi.

Gary skrifar á ensku og til að leyfa hans stíl að skína í gegn er textinn ekki þýddur.

ÍA 3-2 KA
Viktor Jóns and Erik Tobias score as ÍA race in to 2-0 lead, VÖK then scores 2 making it 2-2. Rúnar Már scores the winnner and Dean Martin gets a red card in the celebration for taking his top off and been the most shredded 65 year old man in Iceland.

Dómarinn Vilhjálmur Alvar Þórarinsson verður með flautuna í þessum leik en honum til aðstoðar verða Gylfi Már Sigurðsson og Guðmundur Ingi Bjarnason.

Varadómari er Elías Ingi Árnason og eftirlitsmaður KSÍ er Jón Magnús Guðjónsson.

Slær Viktor markametið? Viktor Jónsson leikmaður ÍA er markahæsti leikmaður deildarinnar. Hann er kominn með 16 mörk hingað til en metið er 19. Mikið hefur verið rætt um hvort menn geta slegið markametið þegar búið er að fjölga svona mikið í leikjum en fyrsti maðurinn sem skoraði 19 mörk í efstu deild var það gert í aðeins 18 leikjum.

KA menn sigla lygnan sjó KA er í 7. sæti deildarinnar með 27 stig og þeir hafa lítið að spila fyrir í deildinni. Það er 9 stig niður í fallsæti með 6 leiki eftir og því þyrfti gríðarlega mikið að gerast til þess að þeir myndu blanda sér í þá baráttu. KA vann 'Forsetabikarinn' í fyrra, þ.e.a.s. náðu efsta sætinu í neðri hlutanum. Það er líkast til það eina sem þeir eiga eftir að spila fyrir í þessari deild.

Bikar úrslitin eru næstkomandi laugardag og hugur flestra KA manna líkast til komið þangað. Það væri þó sterkt að ná í góð úrslit í dag, ef ekki væri nema bara til að fara með sigurtilfinningu inn í þann leik. Það hefur heldur betur kviknað á Viðari Erni Kjartanssyni en hann er búinn að skora 5 mörk í síðustu 4 leikjum sem hann hefur spilað í þannig vert er að fylgjast með honum í dag.

Skagamenn í Evrópu baráttu ÍA er í 5. sæti deildarinnar eins og stendur jafnir Stjörnunni af stigum sem er í 6. sæti. Það er aðeins 1 stig upp í FH sem er sætinu fyrir ofan þá og 4 stig upp í Val sem er í 3. sæti. Evrópubaráttan er því hörð í ár. Það mun svo skýrast um næstu helgi hvort 4. sætið gefur Evrópu en ef KA vinnur bikarúrslitaleikinn þá er það aðeins 3. sætið og ofar.

Leikurinn í dag getur skipt sköpum fyrir ÍA þar sem ef þeir ná 4. sætinu gætu þeir fengið hagstæðari heimaleiki þegar kemur að skiptingunni. Skagamenn hafa átt virkilega gott tímabil miðað við að þeir eru nýliðar í deildinni. Tækist þeim að ná í Evrópuboltan væri það gríðarlegt afrek fyrir Jón Þór og lærisveina hans.

Besta deildin heilsar! Komið þið sæl og verið velkomin í beina textalýsingu frá leik ÍA og KA í 22. umferð Bestu deild karla.

Leikurinn hefst klukkan 14:00 og verður spilaður á ELKEM vellinum á Akranesi.