SKÝRSLAN: Skagamenn í sterkri stöðu fyrir efri hlutann
Hvað réði úrslitum?
KA var heilt yfir betra liðið í dag af mínu mati. Þeirra vandamál í dag var að skapa sér hættuleg færi sem gekk ekki alveg nógu vel. Skagamenn skoruðu gott mark úr horni þar sem KA menn voru aðeins sofandi og það skilur liðin af í dag.
Bestu leikmenn
1. Erik Tobias Sandberg (ÍA)
KA menn voru í erfiðleikum með að brjóta niður vörn Skagamanna og það er af stórum hluta þökk sér Erik. Flottur leikur hjá honum í dag þar sem hann var mikið í sínum eigin teig.
2. Rúnar Már Sigurjónsson (ÍA)
Rúnar skoraði gott mark úr horni og var nálægt að bæta við öðru úr aukaspyrnu. Skilaði líka góðri varnarvinnu á miðjum vellinum.
Atvikið
Fagnaðarlætin eftir leik hjá leikmönnum ÍA með sínum stuðningsmönnum voru virkilega skemmtileg. Greinilega þýðir mikið fyrir bæjarfélagið og alla í kringum félagið að vera kominn á svona góðan stað. Lítið um stór atvik í leiknum sjálfum.
Hvað þýða úrslitin?
ÍA er í 4. sæti deildarinnar þegar deildinni er skipt upp og eru í bullandi Evrópu baráttu. KA menn fara niður í 8. sætið þar sem þeir eru með verri markatölu en Fram. Þeir horfa bara fram að úrslitaleiknum í bikarnum næsta laugardag.
Vondur dagur
Sköpunarmáttur KA í þessum leik var ekki nógu góður. Þeir voru mikið með boltan, og mikið með boltan á vallarhelming ÍA. Það kom hinsvegar mjög lítið af hættulegum færum. Norðanmenn ógnuðu aðallega úr langskotum og föstum leikatriðum.
Dómarinn - 7
Fínn leikur hjá Vilhjálmi og hans teymi, nokkur smáatriði sem mér fannst að hefði getað farið betur en heilt yfir bara fínt.