Stjörnumenn voru alls ekki með einhverja allsherjar yfirburði á vellinum. Það komu vissulega tímabil í leiknum þar sem Stjarnan var með yfirhöndina en það sama má segja um Vestramenn og staðreyndin er að þessi leikur hefði alveg eins getað farið 0-1 fyrir Vestra. Hann gerði það hinsvegar ekki og má klárlega hrósa Stjörnunni fyrir þennan leik en þeir sýndu karakter og höfðu trú a verkefninu allt til enda og uppskáru í takt við það.

Það var þungu fargi af heimamönnum létt þegar SIgurður Hjörtur benti á punktinn. Dómurinn var réttur og ekki annað hægt fyrir Sigurð en að benda á punktinn.

Stjörnumenn eru nú í fimmta sæti í harðri baráttu um Evrópusæti. Vestramenn eru í 11. sæti og þar með fallsæti.

William Eskelinen gerir klaufalega mistök þegar hann fær dæmda á sig vítaspyrnu undir lok leiksins. Þess utan var hann bara fínn í dag en þetta er dýrkeypt.

Bara fínn i dag. Vítaspyrnan var rétt. Mér fannst tækling frá Gunnari Jónasi á Örvar Eggerts hugsanlega réttlæta það að rauðu spjaldi væri lyft en látum það liggja á milli hluta.