KR hafði mikla yfirburði í fyrri hálfleik en náði bara einu sinni að koma boltanum yfir línuna. Sjálfstraustsleysið var augljóst og Vestramenn sýndu meiri hug í seinni hálfleik. Það er gömul saga og ný að Davíð Smári hefur smíðað lið sem er hrikalega erfitt viðureignar og býr yfir mikilli seiglu.

Andri Rúnar með frábæran sprett í uppbótartíma, lék á varnarmenn KR og komst í dauðafæri en Guy Smit varði meistaralega. Þarna hefði Vestri getað rænt öllum stigunum. Hefði ekki verið sanngjörn niðurstaða miðað við gang leiksins en fótboltinn spyr ekki að því.

Þó KR-ingar svekki sig yfir úrslitum þessa leiks þá halda þeir allavega Vestra enn í þriggja stiga fjarlægð. Það hefði verið mikið högg að tapa þessum leik.

Það þarf einhvern verulega færan íþróttasálfræðing til að rýna í KR liðið og hversu brothætt það getur verið. Með alla yfirburðina í fyrri hálfleik hefðu þeir átt að vera búnir að koma sér í þægilegri stöðu.

Það voru einhver vítaköll en Ívar negldi sínar ákvarðanir algjörlega hárrétt.