Stefnir allt í hörkuleik Sól og blíða hér í Grafarvoginum, Kristmundur Axel í botni og fólk að tínast í stúkuna.

Leikurinn er sýndur á Youtube

Byrjunarliðin Úlfur Arnar Jökulsson þjálfari Fjölnis heldur liði sínu óbreyttu frá fyrri viðureign liðanna.

Magnús Már Einarsson neyðist til að gera eina breytingu frá fyrri leik liðanna.
Elmar Kári Enesson Cogic er í leikbanni eftir umtalað rautt spjald, Sævar Atli Hugason kemur inn í byrjunarlið Aftureldingar.

Sigurvegarar einvígisins mæta Keflavík Keflavík vann einvígið gegn ÍR samanlagt 6-4 og þar með tryggðu sér farmiða í úrslitaleikinn.
Sigurvegarar einvígisins hér í dag mætir Keflavík á Laugardalsvelli þann 28. september.

Margir á hættusvæði Margir leikmenn beggja liða eiga í hættu á að fara í leikbann í úrslitaleik umspilsins með gulu spjaldi í dag.
Elmar Kári Cogic kom sér frá leikbanni í mögulegum úrslitaleik með því með að fá beint rautt spjald í síðasta leik og tekur því út leikbann í dag.

Í banni í úrslitum:
Reynir Haraldsson (Fjölnir)
Daníel Ingvar Ingvarsson (Fjölnir)

Í banni í dag:
Elmar Kári Enesson Cogic

Á hættusvæði - Komnir með 3/6 spjöld:

Fjölnir:
Baldvin Berndsen (3)
Dagur Ingi Axelsson (3)
Guðmundur Karl Guðmundsson (3)
Sigurvin Reynisson (6)
Júlíus Mar Júlíusson (6)

Afturelding:
Oliver Bjerrum Jensen (3)
Gunnar Bergmann Sigmarsson (6)
Bjarni Páll Linnet Runólfsson (6)

,,Þá bara slátrum við þeim í Dalhúsum Úlfur Arnar þjálfari Fjölnis var óánægður með færanýtingu sinna manna í fyrri leiknum en vongóður um úrslit í dag.

„Ef við spilum annan svona leik eins og við gerðum hérna á þeirra heimavelli. Þar sem við yfirspiluðum þá allan leikinn, ef við gerum það upp í Dalhúsum og nýtum þessi færi.
Ef við myndum nýta færin okkar eins og menn þá værum við búnir að vinna þessa deild fyrir svona mánuði síðan. Það eina sem vantar er að vera klínískari, klára þessi færi og þá bara slátrum við þeim í Dalhúsum."


Fjölnir er með gott tak á Aftureldingu á grasinu í Dalhúsum. Svona hafa síðustu fimm deildarleikir farið í Grafarvogi.

8. september, 2024
Fjölnir 2-0 Afturelding

31. ágúst, 2023
Fjölnir 4-2 Afturelding

9. júlí, 2022
Fjölnir 2-1 Afturelding

14. ágúst, 2021
Fjölnir 3-0 Afturelding

31. júlí, 2019
Fjölnir 1-1 Afturelding

Skilaboð þjálfara til stuðningsmanna Leikurinn hefst 15:45 en þjálfarar beggja liða hvetja stuðningsmenn til að hætta fyrr í vinnu/skóla og mæta í Grafarvog að styðja liðið sitt.

Úlfur Arnar Jökulsson

„Við þurfum að fá Fjölnisfólk á völlinn, það er bara að hætta fyrr í vinnunni og mæta dýrvitlaus og öskra okkur áfram.
Við þurfum á ykkur að halda. Þetta er bara tveggja marka forysta, þeir henda öðrum af tveim bestu mönnunum sínum í bann viljandi vegna þess að þeir halda að þetta sé komið.
Þetta er alls ekki komið, við erum að fara taka þá í Dalhúsum og við þurfum fólkið okkar með okkur, til að hjálpa okkur í þessu og fagna með okkur, og hjálpa okkur að komast á Laugardalsvöll."




Magnús Már Einarsson

„Ég hvet bara alla Mosfellinga að mæta á völlinn og ef menn þurfa að taka á sig að fara fyrr úr vinnu eða jafnvel skrópa í skóla.
Ég er nú ekki almennt að því að hvetja fólk að skrópa í skólanum en ef það er einhvertíman sem þú skrópar í skólanum þá er það þarna.
Fólk á að mæta á völlinn og hjálpa okkur í baráttunni."

Elmar Kári Cogic í banni í dag Atvik síðasta leiks var eflaust er Elmar Kári Cogic fékk viljandi rautt spjald.

Elmar fékk gult spjald í leiknum og hefði verið í leikbanni mögulegum úrslitaleik.

Með því að fá rauða spjaldið fer hann hinsvegar í bann í seinni leiknum hér í dag gegn Fjölni en verður löglegur í mögulegum úrslitaleik.

Afturelding leiðir 3-1 Fyrri leikur liðanna fór fram síðastliðinn fimmtudag en þá höfðu Mosfellingar betur 3-1 í jöfnum leik.

Litlu munaði þó að leikurinn færi 4-1 en Afturelding brenndi af víti á lokamínútu leiksins.

Byrjum snemma Leikurinn hefst klukkan 15:45.

Ástæðan fyrir því að spilað er svona snemma dags er vegna birtuskilyrða en ekki eru fljóðljós við Extra völlinn.

Seinni leikur undanúrslita Heilir og sælir lesendur góðir og verið velkomin í þráðbeina textalýsingu frá Extra vellinum þar sem síðari leikur undanúrslita Lengjudeildarinnar fer fram.

Afturelding leiðir einvígið 3 - 1.
Sigurvegarar einvígisins mætir Keflavík á Laugardalsvelli 28. september.