Sannfærandi sigur Víkinga sem þýðir bara eitt, þeir eru komnir á toppinn á ný og það stefnir allt í rosalega toppbaráttu! Viðtöl og skýrsla koma inn á síðuna í kvöld. Þangað til næst verið þið sæl!

Daði Berg tekur frábæra blindandi hælsendingu í gegn á Djuric sem er kominn einn gegn Daða en Daði ver mjög vel. Sturluð sending þarna hjá Daða!

Hefði viljað sjá fleiri, viðurkenni það, en vel gert hjá þeim sem mættu.

Helgi fær sendingu í gegn og keyrir af stað áður en hann lætur vaða einn á móti Daða sem ver mjög vel. Hann hefði getað sett þrennuna þarna.

Hafa lítið ógnað af viti í seinni hálfleiknum og eru núna komnir tveimur mörkum undir.

FH-ingar hreinsa fram og Ari Sigurpáls ætlar að senda boltann niður á Ingvar en hittir ekki boltann. Arnór Borg nær boltanum og er með Kjartan með sér á móti Ara. Arnór er alltof lengi að þessu og keyrir í átt að Kjartani í staðinn fyrir að senda á hann eða fara sjálfur og tapar boltanum.

Arnar Gunnlaugs er á gulu spjaldi en honum er ansi heitt í hamsi þessa stundina og gæti vel líklega fengið sitt annað gula ef hann heldur áfram að mótmæla svona á mínútufresti.

Tarik kemur með geggjaðan bolta upp völlinn á Danijel Djuric sem var með flugbraut og keyrði af stað. Hann sparkaði boltanum fyrir markið sem Ari Sigurpáls var hársbreidd nálægt því að komast í en FH-ingar halda í boltann. Þarna hefði ég viljað sjá Djuric bara láta vaða á markið.

Kjartan er smá meiddur og gat ekki byrjað. Það er spurning hvenær eða hvort þessi frábæri sóknarmaður getur komið inn á og breytt sóknarleik FH.

Aron Elís fer niður í teig FH-inga og Víkingar brjálast og vilja víti!

Karl Friðleifur tekur spyrnuna inn á teiginn sem fer beint á Daða Frey í markinu.

Karl Friðleifur tekur spyrnuna inn á teiginn sem fer á Oliver Ekroth sem á skot sem fer aftur á Karl. Karl kemur með annan bolta inn á teiginn sem FH-ingar hreinsa í aðra hornspyrnu.

Heimamennirnir koma þessu í gang á ný fyrir okkur!

Með boltann: 55% - 45% Marktilraunir: 3-7 Á rammann: 2-1 Rangstöður: 1-2 Brot: 3-9

Þá hefur Jóhann Ingi flautað til hálfleiks og það eru Víkingar sem leiða með einu marki þegar liðin ganga til búningsklefa. Líklega sanngjarnar hálfleikstölur en það er ýmislegt sem FH þarf að gera betur skyldu þeir vilja jafna þetta í seinni hálfleiknum. Tökum okkur korterspásu og mætum síðan til baka að vörmu spori.

Hornspyrnan fer yfir allan pakkann í teignum og Víkingar halda nú í boltann undir mikillri pressu frá FH-ingum.

Ingimar Stöle fær boltann fyrir utan teig Víkinga og lætur vaða en Ingvar ver glæsilega í horn.

Þeir eru ekki lengi að taka spyrnuna. Arnór Borg fær boltann stutt og þeir koma boltanum inn á teiginn en Víkingar vinna boltann og keyra upp í sókn.

Arnór Borg með skot sem Oliver Ekroth kemst fyrir.

Oliver Ekroth liggur niðri og þarf aðhlynningu. Hann er núna staðinn upp og getur haldið leik áfram.

Karl Friðleifur hefur tekið þó nokkrar spyrnur í dag en oftar en ekki hafa þær farið í Arnór Borg sem er fremsti varnarmaðurinn í teignum eða einn í vegg. Karl ekki heldur búinn að eiga góðan leik.

Bjarni Guðjón er að eiga mjög erfiðan leik. Það er eins og það sé ekki kveikt á honum. Er að tengja illa við liðsfélagana sína og hefur ekki litið vel út í þessum fyrri hálfleik að mínu mati.

Karl Friðleifur tekur spyrnuna inn á teiginn sem endar á Ingimar Stöle, hann hreinsar í innkast og Víkingar halda í boltann.

Karl Friðleifur tekur spyrnuna inn á teiginn sem Björn Daníel skallar frá en Víkingar halda í boltann.

FH-ingar gera vel á miðsvæðinu og það kemur bolti í gegn á Bjarna og Arnór en Bjarni var langt fyrir innan. Arnór var það ekki en Bjarni tekur boltann samt og flaggið fer á loft. Bjarni klaufi þarna!

Karl Friðleifur tekur spyrnuna inn á teiginn sem fer aftur beint á Arnór Borg sem er fyrsti maðurinn í teignum. FH-ingar halda í boltann þessa stundina.

Tarik gerir frábærlega fyrir utan vítateig FH. Vinnur boltann og tekur strax mjög gott skot sem Daði Freyr ver mjög vel í horn.

Arnór Borg tekur spyrnuna inn á teiginn sem Ísak Óli sýnist mér skallar á markið en Aron Elís bjargar á línu!

Karl Friðleifur tekur spyrnuna inn á teiginn sem FH-ingar hreinsa frá. Víkingar halda áfram í boltann og eru að stýra leiknum þessa stundina.

Karl Friðleifur tekur spyrnuna fyrir markið en Ísak Óli skallar aftur fyrir í horn.

Arnór Borg kemur með boltann inn á teiginn en Gunnar Vatnhamar skallar frá. Ísak Óli fær þá boltann úti við hliðarlínu og kemur með boltann fyrir markið áður en Aron Elís hreinsar.

FH að fá aukaspyrnu á góðum stað fyrir fyrirgjöf.

Arnór Borg tekur spyrnuna inn á teiginn sem fer beint á Björn Daníel. Björn skallar boltann í slána og Víkingar ná síðan að hreinsa frá. FH-ingar mikið hættulegri aðilinn þessar upphafsmínútur!

Ingimar Stöle með góða fyrirgjöf á fjærstöngina þar sem Kristján Flóki er mættur og skallar boltann í varnarmann og aftur fyrir.

Oliver Ekroth liggur niðri og er þjáður en þarf ekki aðhlynningu. Leikurinn er stopp í hálfa mínútu en hann stendur svo að lokum upp á ný.

Það eru gestirnir úr firðinum fagra sem byrja þetta fyrir okkur. Heimamenn leika í svörtum treyjum, svörtum stuttbuxum og svörtum sokkum. Gestirnir leika í hvítum treyjum, svörtum stuttbuxum og hvítum sokkum.

Heimir Guðjóns sagði frá því í viðtali við Stöð 2 Sport fyrir leikinn að Böðvar væri veikur sem er ekki í hóp og að Kjartan Kári væri að glíma við einhver smávægileg meiðsli og er á bekknum. Logi Hrafn er þá í leikbanni þar sem hann hefur fengið núna samtals 10 áminningar í sumar.

Þá ganga liðin og dómararnir til vallar í þessu fallega haustveðri í Víkinni og klappa í átt að áhorfendunum.

Frábærar aðstæður hérna í Víkinni fyrir knattspyrnuiðkun. Fallegur Dagur með Bubba Morthens ómar hér í tækjunum þegar það eru 40 mínútur í leik og þetta gæti varla verið betra.

Víkingar gera þrjár breytingar á sínu líði frá bikarúrslitum en inn koma Helgi Guðjónsson, Danijel Dejan Djuric og Tarik Ibrahimagic. FH gera þá einnig þrjár breytingar á sínu liði frá síðasta leik en inn koma Ingimar Torbjörnsson Stöle, Grétar Snær Gunnarsson og Finnur Orri Margeirsson.

Breiðablik heldur áfram að vinna sína leiki og halda pressunni á Víkingum sem verða að vinna í kvöld til að endurheimta toppsætið á markatölu. Það stefnir í gríðarlega spennandi keppni um titilinn og fyrst núna sem við fáum að upplifa þá úrslitakeppni sem okkur var lofað þegar hún var sett á laggirnar. Fyrir FH er þetta ekki síður mikilvægur leikur með mikilvæg stig í boði. Eftir að það varð ljóst að fjórða sætið gæfi ekki lengur sæti í Evrópu hertist baráttan um Evrópusæti til mikilla muna. Stjarnan og Valur gerður jafntefli og ÍA tapaði fyrir Breiðablik svo FH hugsa sér gott til glóðarinnar í kvöld að sækja að þriðja sætinu. Ef FH tekst að vinna í kvöld verða þeir einungis þrem stigum frá þriðja sætinu og lyfta sér upp í 4.sæti. Staðan í efri hlutanum fyrir kvöldið: 1.Breiðablik - 52 stig 2.Víkingur R. - 49 stig 3.Valur - 39 stig 4.Stjarnan - 35 stig 5.ÍA - 34 stig 6.FH - 33 stig * Leikurinn í kvöld er síðasti leikurinn í fyrstu umferð eftir skiptingu

Þessi lið hafa mæst 55 sinnum í efstu deild samkv. vef KSÍ. Víkingar hafa 21 sinni (38%) hrósað sigri. FH hafa 17 (31%) hrósað sigri. Liðin hafa skilið jöfn 17 sinnum (31%). Fyrri viðreignir í sumar

Ásgeir Frank Ásgeirsson, þjálfari Hvíta riddarans og leikmaður Aftureldingar, er spámaður umferðarinnar. Hann fylgir á eftir Gary Martin sem var með fjóra leiki rétta þegar hann spáði í leiki síðustu umferðar. Víkingur 4 - 1 FH Það verður enginn bikarþynnka, bara bikarvíma. Víkingsliðið er með svakalegt sjálfstraust núna og eftir sigur á KA í bikarnum verða menn fljótir að kveikja aftur á sér fyrir þennan leik. Djuric skoraði frábært mark gegn Fylki á dögunum og ég býst ekki við neinu öðru en að hann setji hann í þessum leik, við þurfum á öllum hans kröftum fyrir loka leikina. Credit á Tariq sem þurfti ekki meira en 3-4 leiki að aðlagast, hefur verið frábær í síðustu leikjum. Gísli Gotti, Aron Elís, Djuric og Ari skora mörkin og mér er alveg sama hver skorar fyrir FH, þeir verða bara heppnir að ná að lauma inn einu.

Víkingar enduðu í efsta sætinu eftir 22 leiki með 49 stig og voru markatölunni á undan Breiðablik í öðru sætinu. Eftir smá hnökra í ágúst mánuði hafa Víkingar unnið þrjá góða sigra í röð í deild. Víkingar töpuðu bikarúrslitaleiknum gegn KA um liðna helgi 2-0 svo þeir munu eflaust mæta dýrvitlausir til leiks. Víkingar hafa skorað 56 mörk í sumar í þessum 22 leikjum og fengið á sig 23. Það gera plús 33 í markatölu. Markahæstu menn Víkings eru: Helgi Guðjónsson - 9 mörk Valdimar Þór Ingimundarson - 8 mörk Danijel Dejan Djuric - 8 mörk Ari Sigurpálsson - 8 mörk Nikolaj Hansen - 6 mörk Aron Elís Þrándarson - 4 mörk Erlingur Agnarsson - 3 mörk *Aðrir minna

FH enduðu í 6.sæti deildarinnar eftir 22 leiki með 33 stig. FH koma inn í skiptinguna á ekkert sérstöku flugi en þeir hafa aðeins sótt 5 stig úr síðustu fimm leikjum sínum. FH skoraði 39 mörk í þessum 22 leikjum og fengu á sig 38 sem gera plús einn í markatölu. Markahæstu menn FH eru: Björn Daníel Sverrisson - 8 mörk Sigurður Bjartur Hallsson - 7 mörk Kjartan Kári Halldórsson - 6 mörk *Úlfur Ágúst Björnsson - 5 mörk Vuk Oskar Dimirtijevic - 3 mörk *Aðrir minna

Jóhann Ingi Jónsson verður á flautunni og honum til aðstoðar verða Guðmundur Ingi Bjarnason og Antoníus Bjarki Halldórsson. Twana Khalid Ahmed er varadómari og sérlegur tæknimaður á skiltinu. Eftirlitsmaður KSÍ er svo Frosti Viðar Gunnarsson.

Verið hjartanlega velkomin í þráðbeina textalýsingu frá heimavelli hamingjunnar þar sem Víkingar taka á móti FH.