FH byrjaði betur að mínu mati en eftir fyrsta mark Víkinga var þetta einstefna og FH sá varla til sólar. Helgi Guðjóns setti svo annað í seinni áður en Viktor Örlygur kláraði svo leikinn beint úr aukaspyrnu í lokin.

Seinasta mark leiksins sem kom beint úr aukaspyrnu frá Viktori Örlygi. Daði átti klárlega að verja þetta en það var stórt fyrir Víkinga að klára þetta svona. Sendingin hjá Aroni Elís í fyrsta markinu fær líka stórt shout. Litla sendingin maður minn lifandi.

Víkingar eru komnir aftur á toppinn á meðan FH-ingar eru neðstir í þessum efri hluta. Víkingar eru með mjög góð tök á FH en þeir hafa unnið Fimleikafélagið 11 sinnum í seinustu 11 leikjum. Helgi Guðjóns hefur þá skorað í öllum leikjum FH og Víkings í sumar en hann setti tvö í dag.

Mér fannst Bjarni Guðjón og Björn Daníel býsna slakir á miðsvæðinu í dag og voru alls ekki að tengja í leiknum. Það var eins og það var slökkt á þeim í leiknum og þá sérstaklega Bjarna. Daði Freyr fær einnig shout sem átti svo sannarlega að verja seinasta markið og hefur fengið 6 mörk á sig í þessum tveimur leikjum sem hann hefur fengið traustið í. Annars fer þetta bara á Bjarna Guðjón hjá mér.

Mér fannst Jóhann Ingi og hans teymi dæma þetta gífurlega vel og voru með góða stjórn og tök á þessu. Þetta var erfiður leikur að dæma í byrjun seinni hálfleiks en þeir komust vel á undan þeim kafla.