Haraldur Örn Haraldsson @haraldur_orn

Textalýsing Skýrslan Viðtöl

Hvað réði úrslitum? Leikurinn var svakalega lokaður fram að marki Blika. Eftir það áttu Blikarnir bara að klára þennan leik miðað við færin sem þeir fengu en það tók sinn tíma. Ísak Snær skoraði svo frábært mark alveg í blálokin til að innsigla þetta fyrir þá. Bestu leikmenn 1. Davíð Ingvarsson (Breiðablik) Davíð var virkilega flottur í dag á kantinum. Var almennt að skapa mikinn usla og Skagamönnum gekk illa að eiga við hraðan í honum. Átti fyrirgjöfina sem varð að sjálfsmarkinu. 2. Höskuldur Gunnlaugsson (Breiðablik) Fyrirliðinn með fyrirliða frammistöðu eins og vanalega. Gríðarlega öflugur á miðjunni, á stoðsendinguna á Ísak í markinu hans. Atvikið Markið hjá Ísak í lokin var virkilega flott. Frábært skot, sláin og inn. Þetta var líka gott fyrir Blikana að fá þetta mark til þess að gera alveg út um leikinn.

Hvað þýða úrslitin? Breiðablik fer á toppinn í deildinni en Víkingur á þó eftir að spila sinn leik í þessari umferð. ÍA dettur niður í 5. sæti og eru 5 stigum á eftir 3. sætinu sem gefur Evrópusæti. Vondur dagur Sóknarmenn ÍA í dag. Þeir komust nokkuð oft í mjög álitlegar stöður en það var þessi síðasti bolti sem var alltaf að klikka hjá þeim. Þeir eiga í öllum leiknum bara eitt almennilegt færi sem ég man eftir. Annars bara góðar stöður sem þeir klúðra. Dómarinn - 7 Erfiður leikur fyrir Sigurð Hjört og hans teymi. Það var harka í leiknum en Sigurður var að leyfa mönnum að takast á sem mér finnst jákvætt. Það er spurning með víti sem Breiðablik vildi fá, en ég held að það hafi verið rétt að sleppa því. Svo heyri ég að það hafi verið einhver rangstaða dæmd sem átti ekki að vera, en ég er ekki búinn að sjá það.