KFA höfðu öll völd á vellinum fram á u.m.þ.b. 70. mínútu. Þá loks vöknuðu Selfyssingar til lífsins og jöfnuðu leikinn skömmu seinna. Eftir jöfnunarmarkið fengu Selfyssingar betri færi til að klára leikinn í venjulegum leiktíma en Danny El-Hage, markvörður KFA varði vel. Í framlengingu skoruðu Selfyssingar tvö skallamörk en varnarleikur KFA manna í mörkunum var frekar slakur. Spurning hvort að þreytan hafi verið farin að segja til sín. KFA geta klárlega verið svekktir með tapið.

Mark Gonzalo Zamorano kom aðeins þremur mínútum eftir annað mark Selfyssinga. Kláruðu leikinn þarna.

Selfoss eru handhafar Fótbolti.net bikarsins, frábært tímabil Selfyssinga.

Varnarlína KFA, seinni tvö mörk Selfyssinga eru afar einföld skallamörk þar sem enginn er að dekka Gonzalo og Brynjar sem refsa.

ÞÞÞ og félagar ágætir í dag, einhver atvik sem klikkuðu en engin risastór. Umdeildasta atvikið var eflaust þegar Jose Sanchez tók Sandeu niður sem aftasti maður og fékk einungis gult spjald. Jose stóð þó fyrir framan miðju og tveir varnarmenn Selfoss voru nálægt Sandeu. Hefði verið grimmt að reka hann útaf þarna, gult rétt að mínu mati.