2-1 sigur Vals staðreynd. Við munum fá hreinan úsrlitarleik um Íslandsmeistaratitilinn um næstu helgi! Takk fyrir samfylgdina. Skýrsla og viðtöl koma seinna í dag!

Valur að fá aukaspyrnu á svipuðum stað og Anna skoraði frá áðan. Anna tekur spyrnuna og á gott skot sem hafnar í stönginni.

Valur fær hornspyrnu. Hættulegur bolti inn á teiginn. Natasha tekur skot sem fer af varnarmanni og afturfyrir. Gestirnir fá annað horn Aftur kemur boltinn inn á teiginn en Víkingar bægja hættunni frá.

Tíu mínútur eftir. Gestirnir verða að halda þetta út til að knýja fram úrslitaleik gegn Blikunum í næstu umferð. Fáum við dramatík?

Hailey með geggjaða sendingu inn fyrir vörn Víkings á Berglindi. Berglind komin ein á móti Sigurborgu en setur boltann framhjá markinu.

Góð fyrirgjöf inn á teig Víkings. Ragnheiður nær til boltanns og kemur honum í átt að marki. Boltinn hins vegar af varnarmanni Víkings og afturfyrir endamörk.

lítið gerst eftir markið. Valur verið meira með boltann og mikil barátta frá báðum liðum.

Gestirnir rúlla seinni hálfleiknum í gang.

Valskonur leiða 2-0 er liðin ganga til búningsherbergja. Tökum okkur korterspásu og komum svo með seinni hálfleikinn!

Svanhildur Ylfa með gott hlaup. Kemur sér í skotfæri en skotið laust og varið af Fanneyju.

Uppgefinn uppbótartími fyrri hálfleiks er ein mínúta.

Fanndís kemur með fyrirgjöf inn á teig heimakvenna. Sigurborg gerir vel og grípur boltann

Valskonur að fá aukaspyrnu á stórhættulegum stað. Rétt fyri utan D-bogann. Kjörið tækifæri til að skjóta á markið.

Lítið að frétta héðan úr Fossvoginum. Valskonur haldið vel í botlann en Víkingar reynt að sækja hratt. Heimakonur í erfiðleikum að brjóta niður varnarmúr Vals.

Breiðablik er komið yfir gegn FH á Kópavogsvelli og staðan orðin 2-1. Blikar að setja annað mark rétt í þessu og staðan orðin 3-1

Natasha á hörkuskot sem fer framhjá markinu.

Lítið gerst síðustu mínútur. Boltinn flakkar milli liða en bæði lið í erfiðleikum að skapa sér færi.

Kemur góður bolti inn á teig Víkings. Boltinn á fjær og þar er Natasha sem skallar hann rétt framhjá.

Fyrsta horn leiksins er gestanna.

Svanhildur Ylfa á skot á mark. Hittir hann vel en Fanney gerir vel í markinu.

Bolinn kemur inn á teig Víkings. Anna Rakel á skot yfir.

Þetta er komið í gang! Heimakonur byrja með boltann.

Leikmenn ganga nú inn á völlinn. Styttist óðfluga í upphafsflautið!

Korter í leik! Fínustu aðstæður í Fossvoginum. 7°C og skýjað.

Gunnar Oddur Hafliðason er dómari hér í dag og verða þeir Ronnarong Wongmahadthai og Arnþór Helgi Gíslason honum til aðstoðar. Varadómari er Hallgrímur Viðar Arnarson og eftirlitsmaður KSÍ er Ingvar Örn Gíslason

Það er gríðarleg spenna í deildinni! Svona lítur taflan út fyri leikina í dag Breiðablik - 57 stig Valur - 56 stig Þór/KA - 33 stig Víkingur - 33 stig Þróttur R. - 25 stig FH - 25 stig

Valskonur eru í bullandi toppbaráttu. Tveir leikir eftir, eitt stig sem skilur efstu liðin af og spennan í hámarki. Valur er einu stig fyrir neðan Breiðablik fyrir daginn í dag. Ef Valur tapar í dag og Breiðablik vinnur sinn leik yrðu Blikarnir Íslandsmeistarar. Valskonur þurfa því sigur í dag eða treysta á að Blikarnir vinni ekki til þess að knýja fram hreinan úrslitaleik á Hlíðarenda í næstu umferð. Valur tók á móti FH í síðustu umferð. Valur sigraði 2-0 eftir tvö mörk frá Nadíu Atladóttur

Víkingur er fyrir leikinn með 33 stig og sitja í fjórða sæti deildarinnar. Víkingur er jafnt Þór/KA að stigum og geta því komið sér upp í þriðja sætið með jafntefli eða sigri hér í dag. Víkingur tók á móti Þrótti í seinustu umferð. Víkingskonur komust yfir á 63. mínútu en Þróttarar jöfnuðu er fimm mínútur voru til leiksloka og endaði leikurinn 1-1.

Góðan dag og verið hjartanlega velkomin í þráðbeina textalýsingu á viðureign Víkings og Vals í efri hluta Bestu deild kvenna! Mikil spenna ríkir í deildinni fyrir síðustu tvær umferðirnar þar sem einungis eitt stig skilur efstu liðin af. Leikurinn fer fram á Víkingsvellinum í Fossvoginum og hefst klukkan 14:00!