Afturelding mun leika í Bestu-deildinni árið 2025 (Staðfest).

En Afturelding koma boltanum frá að lokum.

Fáum við jöfnunarmark?

Aru Steinn með skot fyrir utan teig sem fer framhjá marki Mosfellinga.

Keflvíkingar reyna finna glufur í vörn Aftureldingar.

Mosfellingar fá hornspyrnu en Keflvíkingar skalla frá.

Elmar Kári með hættulega fyrirgjöf en Kovtun kemur boltanum frá.

Þessi seinni hálfleikur hefur ekki verið mikil skemmtun hingað til. Vonum að það breytist sem fyrst.

Keflvíkingar fá hornspyrnu en ekkert kemur úr henni.

Ásgeir Helgi með skot af löngu færi sem fer yfir mark Aftureldingar.

Afturelding er að vinna bardagann í stúkunni.

Afturelding halda betur í boltann hér í upphafi seinni hálfleiks.

Hafliði Breiðfjörð er með myndavélina á lofti.

Keflvíkingar byrja með boltann.

Sigurður Hjörtur flautar til hálfleiks. Mikill baráttuleikur hér í Laugardalnum. Keflvíkingar búnir að fá hættulegri færi en búnir að missa einn af sínum bestu mönnum af velli vegna meiðsla.

+3 Keflvíkingar fá hornspyrnu, boltinn berst á Mladen utarlega í teignum sem á lúmskt skot en Jökull ver vel.

Afturelding fær hornspyrnu, Keflvíkingar vinna boltann og bruna í skyndisókn. Kári Sigfússon einn gegn Gunnari sem sýnir góða varnartilburði og vinnur boltann. Kári eflaust svekktur með sjálfan sig.

Frans Elvarsson fyrirliði Keflavíkur að kveinka sér, yrði vont fyrir Keflvíkinga ef hann færi einnig af velli vegna meiðsla.

Ásgeir Helgi í dauðafæri í teig Aftureldingar en Jökull Andrésson með frábæra vörslu.

Kári Sigfússon með skot úr teignum sem fer í varnarmann Aftureldingar. Boltinn fer greinilega í hendina á Gunnari Bergmann en ekkert dæmir Sigurður Hjörtur.

Hrannar Snær með fast skot úr þröngri stöðu sem Ásgeir Orri ver vel í marki Keflvíkinga.

Oleksii Kovtun fer í harkalega tæklingu en sleppur með tiltal.

Keflavík fær aukaspyrnu í góðri stöðu rúmum 20 metrum frá marki. Sami Kamel lætur vaða, boltinn fer í vegginn og þaðan rétt framhjá marki Aftureldingar. Þarna munaði litlu.

Afturelding fær aukaspyrnu 30 metrum frá marki, Aron Jóhannson tekur skot en Ásgeir ver örugglega.

Sami Kamel tekur skot fyrir utan teig sem Jökull ver örugglega.

Afturelding byrja þetta betur, einoka boltann hér fyrstu 5 mínúturnar.

Aron Jóhannson á upphafsspark leiksins.

Guðmundur Steinarsson er heiðursgestur Keflvíkinga. Guðmundur er bæði leikja- og markahæsti leikmaður Keflavíkur í efstu deild. Hanna Símonardóttir heiðursgestur Aftureldingar. Hanna hefur starfað sem sjálboðaliði í þágu Aftureldingar í 26 ár.

Liðin ganga til vallar, gríðarleg stemning í stúkunni. Stefnir allt í frábæran fótboltaleik.

Leikurinn er sýndur í beinni dagskrá á Stöð 2 sport 5. Útsending hefst 13:45.

Tæpur hálftími í leik og stuðningsmenn beggja liða byrjaðir að láta heyra í sér. Fínasta fótboltaveður, skýjað og sjö gráður.

Haraldur Freyr þjálfari Kelfvíkinga gerir þrjár breytingar frá seinni undanúrslitaleik liðsins. Inn í byrjunarliðið koma þeir Sami Kamel, Sindri Snær og Axel Ingi sem var í leikbanni í síðasta leik. Magnús Már Einarsson þjálfari Aftureldingar gerir eina breytingu á liði sínu frá síðasta leik. Arnór Gauti tekur sér sæti á bekknum, í hans stað kemur Elmar Kári Enesson Cogic en Elmar var í leikbanni í síðasta leik.

Fótbolti.net fékk Baldvin Má Borgarsson, sérfræðing um Lengjudeildina til að rýna í liðin. Spáin: Það verður hart barist, hvorugt lið þorir að gera mistök líkt og í leiknum í fyrra, en hvorugt liðið er þó jafn massívt varnarlega og Vestraliðið var í fyrra. Eldingin kemst yfir í leiknum í fyrri, Keflvíkingar jafna um miðjan seinni og svo skorar Eldingin á 90+ sem verður sigurmark leiksins, ég er hinsvegar ekki alveg búinn að átta mig á hvort það mark komi í venjulegum leiktíma eða framlengingu! Lykilmenn leiksins: Ég hlakka mikið til þess að sjá stöðubaráttur og einvígi Elmars Kára og Ásgeirs Páls, Arons Jó og Sindra Snæs, Kára Sigfússonar og Arons Elís. Að lokum verða báðir markmenn algjörir lykilmenn í þessum leik.

Lykilleikmaður Aftureldingu, Elmar Kári Cogic snýr til baka úr leikbanni hjá Aftureldingu og verður með liðinu í dag. Hann krækti sér í rautt spjald í fyrri undanúrslitaleiknum gegn Fjölni og var því í leikbanni í seinni undanúrslitaleiknum. Ef hann hefði ekki fengið annað gult spjald í leiknum þá hefði hann verið í banni í úrslitaleiknum, eins skringilega og það hljómar.

Keflavík 6-4 ÍR Keflavík lagði ÍR í undanúrslitum. Fyrri leikur liðanna endaði með 4-1 sigri Keflvíkinga. Síðari leikur liðanna endaði með 3-2 sigri ÍR en staðan í hálfleik 3-0 ÍR, það kom ekki að sök og Keflavík áfram. Afturelding 3-1 Fjölnir Afturelding vann Fjölni 3-1 í fyrri leiknum í dramatískum leik. Afturelding múraði fyrir í seinna einvíginu 0-0 lokatölur.

Sigurður Hjörtur Þrastarson fær það verkefni að dæma leikinn á eftir. Hér fyrir neðan má sjá dómarateymið í heild sinni. Dómari: Sigurður Hjörtur Þrastarson Aðstoðardómari 1: Ragnar Þór Bender Aðstoðardómari 2: Eysteinn Hrafnkelsson Fjórði dómari: Elías Ingi Árnason Eftirlitsmaður: Hjalti Þór Halldórsson

Heilir og sælir lesendur góðir og veriði velkomin í beina textalýsingu frá úrslitaleik Keflavíkur og Aftureldingar um sæti í Bestu-deild karla.