SKÝRSLAN: Valur knúði fram úrslitaleik í Víkinni
Hvað réði úrslitum?
Fínasti fótboltaleikur í Fossvoginum í dag. Valskonur þurftu sigur til að knýja fram hreinan úsrlitaleik um Íslandsmeistaratitilinn um næstu helgi og gerðu það. Valur leiddi 2-0 er liðin gengu til búningsherbergja eftir mörk frá Fanndísi Friðriks og Önnu Rakel. heimakonur mættu orkumiklar út í seinni hálfleikinn og voru búnar að minnka munin á 48. mínútu. Fleirri urðu mörkin hins vegar ekki og vann Valur því 2-1 sigur.
Bestu leikmenn
1. Anna Rakel Péturdóttir
Anna mjög flott í leiknum í dag. Stafaði mikil hætta af henni og skoraði geðveikt mark úr aukaspyrnun í fyrri hálfleiknum
2. Fanndís Friðriksdóttir
Flottur leikur hjá Fanndísi! Var góð á hægri kantinum og skoraði gott mark.
Atvikið
Þessi aukaspyrna sem Anna tók í fyrri. Beint í samskeytin, mjög góð spyrna!
Hvað þýða úrslitin?
Við munum fá Úrslitaleik um titilinn! Valur og Breiðablik munu mætast um næstu helgi og verður siguvegari þeirra leiks Íslandsmeistari 2024!
Dómarinn - 6,5
Ágætt dagsverk hjá Gunnari og hans teymi í dag. Línan smá óstöðug og nokkrir furðulegir dómar en heilt yfir fínasta frammistaða.