Þessi leikur var nokkurnvegin tímabilið hjá Fylki í hnotskurn. Þeir voru heilt yfir betra liðið en ná ekki að nýta færin sín, eina markið sem þeir skora er eitthvað svona heppnis sjálfsmark. Þeir bara geta ekki skorað mörk og KA-menn refsuðu þegar þeir fengu færi.

Vítaspyrnan sem Fylkir fær í lokin var nokkuð skrýtin. Dagur Ingi er að tosa í Ragnar Braga sem er á leiðinni í virkilega gott færi. Ívar Orri dæmir hagnað, þangað til Ragnar skýtur framhjá markinu. Þá dæmir Ívar víti og rautt á Dag. Ég á eftir að sjá atvikið aftur, en menn vilja meina að brotið átti sér mögulega stað fyrir utan teig til að byrja með og að Dagur hafi verið að reyna við boltann. Ef svo er þá er þetta ekki vel dæmt hjá Ívari.

KA-menn fara upp í 7. sætið og eru í bílstjórasætinu þegar kemur að Forsetabikarsbaráttunni. Fylkir er enn í neðsta sæti, núna 5 stigum frá öruggu sæti þegar 3 leikir eru eftir.

Eins og svo oft áður, sóknarlína Fylkis. Árbæingar voru að skapa sér góðar stöður og fín færi, en það bara gengur ómögulega fyrir þá að skora mörk.

Heilt yfir ágætlega dæmdur leikur, en ef þetta er eins og ég lýsti í "atvikinu" hér til vinstri, þá eru þeir dregnir niður um 2 stig.