Hákon Dagur Guðjónsson @

Textalýsing Skýrslan

Hvað réði úrslitum? Það er einfalt mál, sigurmark Andra Rúnars í lokin. Leikurinn hefði getað farið á alla vegu en Vestramenn fundu mark sem HK fann ekki. Töfrar Pedersen fjölskyldunnar svifu yfir landinu í dag og göldruðu fram mark úr efstu hillu frá Jeppe til að jafna leikinn. Bestu leikmenn 1. Jeppe Pedersen Frábær í dag og kórónaði frammistöðuna með glæsilegu marki. Hljóp eins og vitleysingur, vann tæklingar og sýndi gæði með boltann. 2. Eiður Aron Sigurbjörnsson Þyrfti að vera oftar í þessum dálkum. Er að öðrum ólöstuðum búinn að vera besti maður Vestra í sumar. Ívar Örn dældi boltum á turninn í teignum í dag og Eiður sá um að ekkert varð úr því. Varnarmaður af gamla skólanum og frábær sem slíkur. Atvikið Það er þetta mark Jeppe Pedersen. Það var kominn smá óværð í lið Vestra þegar hann dregur þetta mark úr hattinum. Þá kom trú í heimamenn og þeir sigla sigrinum heim að lokum.

Hvað þýða úrslitin? Þetta var klassískur 6 stiga leikur. HK eru komnir í fallsæti einu stigi á eftir Vestra. Þetta er langt frá því að vera búið en nú getur Vestri sagt að þetta sé í þeirra höndum. Vondur dagur Ibrahima Balde. Ég veit hvað hann getur og frammistaðan í dag var langt frá því. Virtist latur, vældi í dómaranum og það kom lítið sem ekkert út úr honum fram á við. HK sem heild verður líka að taka þetta á sig. Mættu hálfslappir til leiks og virtust ekki spila eins og líf þeirra í deildinni væri undir. Komast yfir og að gera ekki betur í að verja stigin þrjú verður að teljast vont. Dómarinn - 8 Bara flottur, ekkert við hann að athuga. Þurfti ekki að taka neinar stórar ákvarðanir og leyfði mönnum að berjast, hélt sér úr sviðsljósinu sem er það sem við viljum sjá frá dómara.