Þriðja liðið Erlendur Eiríksson dæmir þennan úrslitaleik en honum til aðstoðar verða þeir Guðni Freyr Ingvason og Ronnarong Wongmahadthai. Bríet Bragadóttir er skiltadómari en Ingi Jónsson er eftirlitsmaður KSÍ.

Seinustu leikir liðanna Valur 2-1 Breiðablik
Valskonur unnu Breiðablik á Laugardalsvelli á dögunum í úrslitaleik Mjólkurbikarsins á Laugardalsvelli.

Valur 1-0 Breiðablik
Valskonur unnu Blikakonur með einu marki frá Katie Cousins í seinni leik liðanna í Bestu deildinni. Markið kom mjög snemma leiks.

Breiðablik 2-1 Valur

Blikar tóku Valskonur snemma móts í Kópavoginum. Valskonur tóku forystuna í fyrri hálfleik og voru yfir í hálfleik en Blikakonur komu til baka og unnu leikinn 2-1 með mörkum frá Andreu Rut og Barbáru Sól.

Valur 2-1 Breiðablik

Valskonur unnu þó fyrsta leik þessara liða á árinu þegar þau mættust í úrslitaleik Lengjubikarsins. Blikakonur voru með laskað lið og lítinn hóp í leiknum og þrátt fyrir það var leikurinn jafn á löngum köflum.

Upphitun í hlaðvarpi Guðmundur Aðalsteinn, fréttamaður Fótbolta.net, fékk til sín Óskar Smára, þjálfara Fram, og Magnús Hauk, fyrrum þjálfara Fjölnis, í spjall í vikunni. Aðalumræðuefni þáttarins var úrslitaleikur Vals og Breiðabliks í dag.

Aðstoðarþjálfarinn og þjálfarinn Adda Baldurs, aðstoðarþjálfari Vals, og Nik Chamberlain, þjálfari Breiðabliks, voru í spjalli við Fótbolti.net í dag um úrslitaleikinn í Bestu deildinni í dag.

Verður Kate Cousins með? Kate Cousins, einn af betri leikmönnum deildarinnar, hefur ekki verið í hóp Vals í seinustu tveimur deildarleikjum liðsins vegna meiðsla.

Það er verður áhugavert að sjá hvort hún verði í hóp Vals á morgun og hvað þá hvort hún spili eitthvað. Það gæti verið leikbreytir fyrir bæði lið á báða vegu.

Leikur ársins! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og Breiðabliks í hreinum og beinum úrslitaleik í Bestu deild kvenna.