Byrjunarliðin eru klár FH gera þrjár breytingar á sínu líði frá leiknum gegn ÍA en inn koma Sindri Kristinn Ólafsson, Grétar Snær Gunnarsson og Kristján Flóki Finnbogason.

Valur gera þá fimm breytingar á sínu liði frá leiknum gegn Breiðablik. Inn koma Ögmundur Kristinsson, Bjarni Mark Antonsson, Jónatan Ingi Jónsson, Orri Sigurður Ómarsson og Gylfi Þór Sigurðsson.

Spámaður umferðarinnar Aron Guðmundsson, íþróttafréttamaður á Vísi og Stöð 2 Sport, spáir í leikina sem eru framundan í næst síðustu umferð deildarinnar.

FH 2 - 1 Valur
Liðin tvö sem eru án sigurs í efri hlutanum. FH sem hefur að engu að keppa á móti Val sem hefur að öllu að keppa. Pressan hefur ekki verið besti vinur Valsmanna á tímabilinu og það er ekki að fara breytast á laugardaginn. Fullkomið tækifæri fyrir Heimi Guðjóns að klekkja á Val og hann lætur það ekki úr greipum sér renna. 2-1 sigur FH. Barist um gullkistuna sem að fylgir síðasta Evrópusætinu í lokaumferðinni. Kjartan Kári með sigurmarkið.

Innbyrðis viðureignir í efstu deild Þessi félög hafa mæst 76 sinnum í efstu deild samkv. vef KSÍ.

FH hefur 27 sinnum (36%) hrósað sigri.
Valur hefur 34 sinnum (45%) haft betur
Liðin hafa þá skilið jöfn 15 sinnum (20%).

FH hafa skorað 99 mörk í þessum einvígjum gegn 131 marki frá Val.

FH FH eru ekki í mikilli baráttu um neitt annað en stoltið og reyna enda eins ofarlega og þeir geta.
FH getur mest farið í 39 stig og eiga því ekki möguleika á því að ná evrópusæti.

FH eru í 6.sætinu með 33 stig og hafa tapað öllum leikjum sínum eftir skiptingu. Þeir vonast til þess að komast á blað í dag.

FH hafa skorað 40 mörk í sumar en fengið á sig 46 sem gera mínus 6 í markatölu.

Markahæstu menn FH eru:

Björn Daníel Sverrisson - 8 mörk
Sigurður Bjartur Hallsson - 7 mörk
Kjartan Kári Halldórsson - 7 mörk
*Aðrir minna

Valur Valsmenn eru í hörku baráttu um sæti í forkeppni Sambandsdeildarinnar að ári við Stjörnunna og ÍA. Valur mun stíga risa skref í átt að því markmiði með sigri hér í dag og geta tölfræðilega tryggt þriðja sætið ef úrslit annara leikja falla þeim í hag.

Valur eru í 3.sætinu fyrir leikinn í dag með 40 stig. Stjarnan og ÍA koma þar á eftir með 39 og 37 stig.

Valur hafa skorað 59 mörk í sumar og fengið á sig 40 sem gera plús 19 í markatölu.

Markahæstu menn Vals eru:

Patrick Pedersen - 16 mörk
Jónatan Ingi Jónsson - 11 mörk
Gylfi Þór Sigurðsson - 10 mörk
Tryggvi Hrafn Haraldsson - 9 mörk
*Aðrir minna

Dómarateymið Sigurður Hjörtur Þrastarson fær það verkefni að halda utan um flautuna hér í dag og honum til aðstoðar verða Patrik Freyr Guðmundsson og Antoníus Bjarki Halldórsson.
Arnar Ingi Ingvarsson er sérlegur tæknimaður á skilti og til taks ef eitthvað útaf bregður meðal dómara.
Kristinn Jakobsson er svo eftirlitsmaður KSÍ hér í dag.

Heil og sæl! Verið hjartanlega velkominn í þessa þráðbeinu textalýsingu frá leik FH og Vals í næst síðustu umferð efri hluta Bestu deild karla frá Kaplakrikavelli.