Eftir að hafa skoðað þessar lokamínútur aðeins aftur er það bara þessi ákvörðun dómara leiksins að dæma markið sem Skagaliðið skoraði undir lok leims af sem réði úrslitunum. Ég skil bara ekki á hvað var dæmt. En þetta voru bara mistök hjá Ella. Hann hlýtur að sjá þetta eftir leik og hugsa það sama.

Það gerðist margt í leiknum. Það er auðvitað þetta mark sem er tekið af ÍA í lokin en á að standa. Það er engin hendi, ekkert brot og engin rangstaða í þessu marki. Svo eftir leik var mikill æsingur fyrir utan dómaraklefann þar sem menn vildu fá útskýringar. Leikmenn ÍA voru æfir út í dómarann eftir leik fyrir utan dómaraklefann. En atvik leiksins er klárlega sigurmark Víkings sem Djuric skoraði. Litlu senurnar maður.

Víkingar eru áfram á toppi deildarinnar en þegar þetta er skrifað er ennþá markalaust í leik Blika og Stjörnunnar sem þýðir að bið munum fá úrslitaleik næstu helgi um Íslandsmeistaratitilinn. Skagamenn eru úr leik í Evrópubaráttunni.

Elías Ingi fær þetta. Elías hefur verið besti dómari sumarsins en hann átti sinn versta leik í sumar í dag en það gengur og gerist. Nokkrar ákvarðanir sem ég var ósammála og þá aðallega markið sem var tekið af ÍA í lokin. Hinrik fékk líka gult fyrir leikaraskap í fyrri hálfleik sem ég var ósammála og svo var margt annað sem mér fannst skrítið og var ósammála.

Þetta er það stór ákvörðun undir lok leiks að dæma þetta mark af að tímabili ÍA er lokið á meðan Víkingar geta orðið Íslandsmeistarar á þessu ári eftir að þetta mark var tekið af ÍA. Svo voru mörg brot og ekki brot sem ég var ósammála eins og gengur og gerist. Elías hefur verið besti dómari sumarsins en þetta var hans lang versti leikur og hann mun læra af honum því Elías er frábær dómari.