Dramatík á Akranesi Víkingar unnu sinn leik á Akranesi áðan og því er ljóst að Breiðablik dugir ekkert annað en að vinna þennan leik til þess að eiga séns á Íslandsmeistaratitlinum í loka umferðinni. Það verður einnig áhugavert að sjá hvort einhver fari í bann fyrir loka leikinn þar sem það eru nokkrir á hættusvæði fyrir uppsöfnuð spjöld. Þar helst má nefna Höskuld Gunnlaugsson en það má sjá alla sem eru á hættusvæði í fréttinni hér fyrir neðan.

Byrjunarliðin Halldór Árnason þjálfari Breiðabliks gerir eina breytingu á sínu liði. Það er Kristinn Steindórsson sem fær sér sæti á bekknum en inn í liðið kemur Andri Rafn Yeoman.

Jökull Elísabetarson þjálfari Stjörnunnar gerir einnig eina breytingu á sínu liði. Daníel Laxdal fær sér sæti á bekknum en fyrir hann kemur Sigurður Gunnar Jónsson.

Spámaðurinn Aron Guðmundsson, íþróttafréttamaður á Vísi og Stöð 2 Sport, spáir í leikina sem eru framundan í næst síðustu umferð deildarinnar.

Breiðablik 2 - 3 Stjarnan
Leikur umferðarinnar. Fimm marka leikur. Fyrir ekki svo löngu síðan var því haldið staðfastlega fram við mig að Stjarnan myndi vinna þennan leik. Sá maður er reyndar eins langt frá því að vera hlutlaus og hægt er að vera. Ég ætla hins vegar að taka hann á orðinu. 3-2 útisigur Stjörnunnar. Emil Atla klippir boltann í netið og tryggri Stjörnunni stigin þrjú. Öll mörkin í seinni hálfleik. Stjarnan í bílstjórasætinu í Evrópubaráttunni komandi inn í lokaumferðina. Tapið breytir því hins vegar ekki að Breiðablik getur með sigri í úrslitaleiknum gegn Víkingum í lokaumferðinni tryggt sér Íslandsmeistaratitilinn.

Dómari leiksins Jóhann Ingi Jónsson verður með flautuna í þessum leik en honum til aðstoðar verða Andri Vigfússon og Þórður Arnar Árnason.

Eftirlitsmaður KSÍ er Frosti Viðar Gunnarsson og varadómari er Gunnar Freyr Róbertsson.

Stjörnumenn í evrópu baráttu Stjarnan er í harðri baráttu um að ná í síðasta Evrópu sætið sem er í boði. Þeir eru í 4. sæti deildarinnar sem stendur, stigi á eftir Val sem er í 3. sæti sem gefur Evrópu. Valur mætir FH í dag klukkan 14:00 og ef þeir vinna þann leik þá er ljóst að það er ekkert annað en sigur sem dugir fyrir Stjörnuna í dag.

Titilbarátta Blika Breiðablik er í harðri titilbaráttu við Víkinga þar sem liðin eru jöfn að stigum í efstu tveimur sætum deildarinnar. Eins og frægt er þá mætast liðin í síðustu umferð deildarinnar sem er um næstu helgi. Ef Breiðablik vinnur í dag þá verður það úrslitaleikur um Íslandsmeistaratitilinn sama hvað gerist hjá Víkingum, þar sem Breiðablik liggur undir í markatölu. Leikurinn um næstu helgi var færður þar til um sunnudagskvöldið og það er mikil eftirvænting fyrir þeim leik.

Besta deildin heilsar! Komið þið sæl og verið velkomin í beina textalýsingu frá leik Breiðabliks og Stjörnunnar í 26. umferð Bestu deildar karla.

Leikurinn hefst klukkan 17:00 og verður spilaður á Kópavogsvelli