Framundan er næsta stig undankeppninnar.

Skyndilega er Viktor Bjarki kominn í verulega gott færi en skýtur framhjá! Við hefðum getað rænt þessu hér í lokin.

Uppbótartíminn er að minnsta kosti 3 mínútur.

Hætta við mark Íslands, Sigurður Jökull ver en heldur ekki boltanum. Á endanum nær Ísland að koma boltanum í burtu.

Það hefur komið gott bit í sóknaraðgerðir Íslands með varamönnunum í seinni hálfleik.

Guðmar Gauti Sævarsson nær hörkuskoti sem Iker Rodriguez ver meistaralega í hornspyrnu.

Sigurður Jökull búinn að eiga mjög öflugan leik í marki Íslands og hann heldur okkur inní þessu með góðri vörslu frá Alexis Ciria.

Gunnar Olsen með góða sendingu á Gabríel Snæ sem er í smá þröngri stöðu, tekur skotið en hittir boltann ekki sérstaklega vel. Framhjá.

Iker Quintero með skot sem Sigurður Jökull ver vel.

Ísland bjargar á línu. Spánn nálægt því að skora sitt þriðja mark. Sýndist þetta hafa verið Egill sem bjargaði.

Ísland lítið sem ekkert að komast áleiðis sóknarlega núna. Spánverjarnir einoka boltann algjörlega.

Alexis Ciria með skot yfir markið, var ekki í miklu jafnvægi þegar hann tók skotið.

Alexis Ciria með skot af löngu færi sem Sigurður ver af öryggi. Spánverjarnir ekki mikið að ná að opna íslenska liðið.

Björgvin Brimi með hættulega sendingu fram völlinn en aðeins of föst og markvörður Spánar kemur út og handsamar boltann.

Asier Bonel komst framhjá Katli Orra og í hættulegt færi en skaut framhjá fjærstönginni. Sóknarhugur í Spánverjum í upphafi seinni hálfleiksins.

Marktilraunir: 2-8 Hornspyrnur: 0-7 Rangstöður: 0-0 Gul spjöld: 2-0

Fín staða í hálfleik og íslenska liðið sækir með vindinum í seinni hálfleik.

Spánverjar fá hættulegt færi, Asier Bonel með skot í fyrsta eftir fyrirgjöf frá hægri en Sigurður Jökull ver vel.

Önnur hornspyrna Spánverja sem endar með því að fjúka afturfyrir. Menn eru ekki alveg vanir vindinum.

Karan Gurung fékk höfuðhögg of fær hér aðhlynningu. Leikurinn stöðvaður.

Sama Nomoko í mjög góðu færi eftir horn, á fast skot sem betur fer endar framhjá markinu.

Asier Bonel með skot hátt yfir markið.

Það er búið að bæta aðeins í vindinn og úrkomuna. Er það ekki bara hressandi?

Spánn talsvert meira með boltann, eitthvað sem kemur ekki á óvart. Okkar strákar eru að halda Spánverjunum bara ansi vel í skefjum hingað til. Veðuraðstæður svo heldur betur ekki kjörnar fyrir andstæðinga okkar í dag.

Asier Bonel á skalla eftir hornspyrnu en máttlaus og endar í fangi Sigurðar.

Smá bras á okkar liði varnarlega og Sverrir Páll hreinsar í hornspyrnu.

Spánn fékk fyrstu hornspyrnu leiksins en vindurinn greip boltann og hann tók sveig afturfyrir endamörk áður en hann lenti í teignum. Veðrið að hafa sín áhrif. Haustbragur.

Einar Freyr Halldórsson Þórsari tekur gott hlaup með boltann og freistar gæfunnar með skoti vel fyrir utan teig en endar beint á markverði Spánar.

Iago Barreiros með marktilraun úr teignum, frekar laust skot sem Sigurður Jökull á ekki í nokkrum vandræðum með að verja.

Tómas Óli kemur sér í góða stöðu og á lága fyrirgjöf frá vinstri sem Rodriguez í marki Spánverja handsamar.

Spánverjar með hættulega fyrirgjöf frá hægri en Sigurður Jökull í markinu nær að komast í boltann.

Ísland byrjaði með knöttinn og sækir í átt að Húsdýragarðinum í fyrri hálfleiknum.

Spánverjarnir í gulum varatreyjum sínum í dag en íslenska liðið er blátt frá toppi til táar. Verið er að leika þjóðsöngvana.

Það er bleyta, góð súld skulum við segja. Tíu gráðu hiti og smá vindur á markið sem er nær Þróttaraheimilinu. Nokkuð þungt yfir svo flóðljósin fá að njóta sín.

Það er Alexander Máni Guðjónsson úr Stjörnunni, sonur Guðjóns Baldvinssonar, sem er fæddur 2009. Hann er í byrjunarliðinu í dag. Lék tvo leiki í Bestu deildinni í sumar.

Sigurður Jökull Ingvason kemur í markið og einnig koma inn í liðið þeir Sölvi Snær Ásgeirsson, Jón Breki Guðmundsson, Björgvin Brimi Andrésson, Karan Gurung og Alexander Máni Guðjónsson. Út fara: Gylfi Berg Snæhólm (m), Ásbjörn Líndal Arnarsson (banni), Guðmar Gauti Sævarsson, Viktor Bjarki Daðason, Gunnar Orri Olsen og Helgi Hafsteinn Jóhannsson.

Úrslit íslenska liðsins: Ísland - Norður-Makedónía 4-1 0-1 Guðmar Gauti Sævarsson ('30 ) 0-2 Gunnar Orri Olsen ('36 ) 0-3 Tómas Óli Kristjánsson ('62 ) 0-4 Viktor Bjarki Daðason ('70 )

   31.10.2024 11:13

Sjáðu flott mörk U17 landsliðsins gegn Norður-Makedóníu

Ísland - Eistland 3-1 Mörk Íslands: Helgi Hafsteinn Jóhannsson, Ásbjörn Líndal Arnarsson, Guðmar Gauti Sævarsson. Rautt spjald: Ásbjörn Líndal Arnarsson

   04.11.2024 09:36

Sjáðu mörk Íslands U17 gegn Eistum

Sex í íslenska hópnum eru hjá dönskum félögum en hér má sjá hópinn í heild sinni: Hópurinn Gylfi Berg Snæhólm - Breiðablik Gunnar Orri Olsen - FCK (Stjarnan) Alexander Máni Guðjónsson - Stjarnan Tómas Óli Kristjánsson - AGF (Stjarnan) Viktor Bjarki Daðason - FCK (Fram) Ketill Orri Ketilsson - FH Guðmar Gauti Sævarsson - Fylkir Sölvi Snær Ásgeirsson - Grindavík Helgi Hafsteinn Jóhannsson - AaB (Grindavík) Birkir Hrafn Samúelsson - ÍA Gabríel Snær Gunnarsson - ÍA Jón Breki Guðmundsson - ÍA Styrmir Jóhann Ellertsson - ÍA Björgvin Brimi Andrésson - KR Karan Gurung - Leiknir R. Ásbjörn Líndal Arnarsson - Þór Einar Freyr Halldórsson - Þór Sverrir Páll Ingason - Þór Egill Orri Arnarsson - FC Midtjylland (Þór) Sigurður Jökull Ingvason - FC Midtjylland (Þór)

Það þarf ekki að taka það fram að Spánverjar eru feikilega sterkir í þessum aldursflokki, eins og öllum öðrum. Níu sinnum hafa þeir orðið Evrópumeistarar í þessum aldursflokki. Í hópnum þeirra eru sex leikmenn úr La Masia akademíu Barcelona og tveir leikmenn sem eru á mála hjá Real Madrid. Úrslit spænska liðsins: Spánn - Eistland 4-0 Spánn - Norður-Makedónía 5-0

Góðan og gleðilegan daginn og velkomin með okkur á AVIS-völlinn í Laugardal þar sem síðasti leikurinn í riðli Íslands í undankeppni EM U17 landsliða fer fram. Ísland og Spánn mætast en bæði lið eru þegar búin að tryggja sér sæti í seinni umferð undankeppninnar. Bæði lið eru með sex stig en Spánn er á toppnum með betri markatölu, 9-0 gegn markatölunni 7-2 hjá Íslandi. Finnski dómarinn Mohammed Al-emara flautar til leiks klukkan 17!