Kári Snorrason @karisnorra

Textalýsing Skýrslan

Hvað réði úrslitum? Víkingar massívir, frábærir varnarlega í dag. Gestirnir náðu að skapa sér lítið og þá sérstaklega í síðari hálfleik. Vantaði aðeins upp á sóknarlega hjá Víkingum í dag en heilt yfir frábær frammistaða. Víkingar nær sigrinum ef eitthvað er. Ekkert skemmtilegasti leikur seinni ára en úrslitin frábær. Bestu leikmenn 1. Jón Guðni Fjóluson Jón líkt og öll varnarlínan frábær í dag, hefur verið inn og út úr Víkingsliðinu en þetta er ein besta frammistaða hans í Víkingstreyju. 2. Ingvar Jónsson Ef vörnin klikkaði þá var Ingvar með allt í teskeið. Víkingsliðið aðeins fengið á sig 1 mark í síðustu þremur leikjum í Sambandsdeildinni. Atvikið Valdimar Þór setur boltann í slánna og er í kjölfarið tekinn niður af markverði Noah, pjúra víti en ekkert dæmt.

Hvað þýða úrslitin? Víkingar eru komnir með 7 stig í Sambandsdeildinni og eru að öllum líkindum búnir að tryggja sér í umspil um að komast í 16-liða úrslit. Umspilið fer fram í febrúar 2025. Tímabil Víkinga er nú þegar orðið lengra en heilt ár, þeir hófu leik í Bose-mótinu 25. nóvember 2023. Ef gert er ráð fyrir að Víkingur detti út í umspilinu, þá líða 453 dagar á milli fyrsta leiks tímabilsins og þess síðasta. Vondur dagur Virgile Pinson er lykilmaður Noah, hann sýndi skemmtilega takta í upphafi leiks og átti eitt skot en eftir það sá maður lítið af honum. Varnarleikur Víkings til fyrirmyndar. Dómarinn - 3 Úff, Kýpverjinn er ekki hátt skrifaður hjá Íslendingum eftir þennan leik. Galin ákvörðun að dæma ekki vítaspyrnu er markvörður Noah tekur Valdimar niður. Þetta er því miður falleinkunn.