Kári Snorrason @karisnorra

Textalýsing Skýrslan Viðtöl

Hvað réði úrslitum? Upphaf seinni hálfleiks réði úrslitum í dag. Gestirnir hefðu hæglega getað skorað 4-5 mörk en létu tvö duga. Í fyrri hálfleik var jafnræði með liðunum en Djurgården nýttu meðbyrinn í upphaf seinni hálfleiks. Víkingar minnkuðu þó muninn og voru manni fleiri síðustu tuttugu mínúturnar en náðu ekki að skapa sér mikið manni fleiri. Gestirnir lágu lágt niðri og reyndist það Víkingum erfitt. Bestu leikmenn 1. Aron Elís Þrándarson Aron frábær í dag, vann öll návígi. Skellur fyrir Víkinga að hann hafi tognað undir lok leiks. 2. Ingvar Jónsson Ingvar kom nokkrum sinnum til bjargar, þurfti þó ekki að verja oft en úthlaup hans úr markinu voru frábær og bjargaði Víkingum í nokkur skipti. Gísli Gotti flottur og innkoma Ara Sigurpáls mjög góð. Atvikið Ég frétti eftir leik að vinstri bakvörður Djurgården, Japaninn Keita Kosugi væri með einkaljósmyndara á leiknum. Einkaljósmyndarinn fylgdi þá einungis Keita eftir og myndaði hann í bak og fyrir. Keita sem skoraði fyrsta mark leiksins er 18 ára gamall og eru bundnar miklar vonir við hann.

Hvað þýða úrslitin? Fyrsta tap Víkinga á Kópavogsvelli í Sambandsdeildinni er staðreynd. Víkingar hafa gefið Kópavogsvelli viðurnefnið ,,Útivöllur hamingjunnar" en þeir neyðast til að leika þar, þar sem Víkingsvöllur stenst ekki kröfur UEFA. Víkingar eru með sjö stig í Sambandsdeildinni og eiga einn leik eftir. Þar mæta þeir LASK sem þurfa að sækja úrslit gegn Fiorentina í dag ef þeir ætla að halda vonum sínum á lífi um umspilssæti. Vondur dagur Miro Tenho leikmaður Djurgården fékk tvö gul á innan við tveimur mínútum undir lok leiks og ýtti undir von Víkinga á jöfnunarmarki, sem kom þó aldrei. Dómarinn - 9 Ég er ánægður með Bosníumanninn geðþekka, Luka Bilbija. Nelgdi ákvörðunina um að beita hagnaðarreglunni í marki Víkinga, auðvelt hefði verið að dæma strax brot. Hafði góð tök á leiknum heilt yfir.